धक्कादायक : पत्नीच्या छळाला कंटाळून इंजिनियरची आत्महत्या, तब्बल 24 पानांची लिहली सुसाईड नोट

12 December 2024

बंगळुरू : अत्याधुनिक तंत्रज्ञान क्षेत्रात काम करणाऱ्या AI इंजिनियर अतुल सुभाष (Atul Subhash) यांनी पत्नीच्या छळाला कंटाळून जीवन संपवल्याची धक्कादायक घटना घडली आहे. त्यांनी मृत्यूपूर्वी तब्बल 24 पानांचे सुसाईड नोट लिहिले असून, त्यात पत्नी निकिता सिंघानिया (Nikita Singhania) हिच्या छळाची कहाणी सविस्तर मांडली आहे. हे पत्र सोशल मीडियावर प्रचंड व्हायरल झाले असून, नेटकऱ्यांनी निकिता सिंघानिया यांच्याविरोधात संताप व्यक्त करत ट्रोल केले जात आहे.

उत्तर प्रदेशातील जौनपूर येथे राहणाऱ्या निकिता सिंघानिया आणि बंगळुरूमध्ये राहणाऱ्या अतुल सुभाष यांची भेट 2019 मध्ये एका मॅट्रिमोनियल साईटवर झाली होती. दोन वर्षांनी या दोघांनी विवाह केला. विवाहानंतर निकिता दिल्लीमध्ये राहून नोकरी करत होती. मात्र, यानंतर निकिता यांनी अतुल यांच्याविरोधात तब्बल नऊ गुन्हे दाखल केले. यामध्ये निकिता यांनी सेटलमेंटच्या नावाखाली तीन कोटी रुपयांची मागणी केली असल्याचा आरोप अतुल यांनी त्यांच्या सुसाईड नोटमध्ये केला आहे.

अतुल सुभाष यांनी लिहिलेल्या सुसाईड नोटमध्ये पत्नीने केलेल्या छळाची सविस्तर माहिती दिली आहे. त्यांनी लेखी स्वरूपात कसे मानसिक त्रास सहन करावा लागला याचे वर्णन केले आहे.

या घटनेनंतर सोशल मीडियावर नेटकऱ्यांनी #NikitaSinghania हॅशटॅग ट्रेंड करत निकिता यांच्याविरोधात प्रचंड संताप व्यक्त केला आहे. यावेळी लोक या महिलेला मोठ्या प्रमाणात ट्रोल करून संताप व्यक्त करीत आहेत.

या घटनेची गंभीर दखल घेत पोलिसांनी सखोल तपास सुरू केला आहे. निकिता सिंघानिया यांच्याविरोधात येणाऱ्या आरोपांचीही चौकशी केली जात आहे. या प्रकरणाची चौकशी पोलीस करत असून निकीता सिंघानिया यांच्याविरोधात कायदेशीर कारवाईची मागणी सोशल मीडियावर जोर धरत आहे.