Pakistan Earthquake : पाकिस्तानमध्ये शनिवारी (12 एप्रिल 2025) दुपारी सुमारे 1:00 वाजता भूकंपाचे जोरदार धक्के जाणवले. नेशनल सेंटर फॉर सिस्मॉलॉजी (NCS) नुसार, रिश्टर स्केलवर भूकंपाची तीव्रता 5.8 इतकी मोजण्यात आली आहे. या भूकंपाचा केंद्रबिंदू पाकिस्तानची राजधानी इस्लामाबादजवळील रावलपिंडीपासून सुमारे 60 किलोमीटर उत्तर-पश्चिमेला, जमिनीखाली 10 ते 12 किलोमीटर खोलीवर होता. या भूकंपामुळे स्थानिक नागरिकांमध्ये भीतीचे वातावरण पसरले असून, अनेकजण घरे आणि कार्यालयांमधून बाहेर पडले. (हेही वाचा – UPI Down : GPay, PhonePe, Paytm ची सेवा ठप्प; वापरकर्ते हैराण)
भूकंपाचा प्रभाव आणि परिस्थिती | Pakistan Earthquake
हा भूकंप पंजाब आणि खैबर पख्तूनख्वा (केपीके) प्रांतातील अनेक भागांमध्ये जाणवला. इस्लामाबाद, रावलपिंडी, अटक, चकवाल, मियांवाली, पेशावर, मर्दन, मोहमंद आणि शबकदर यासह अनेक शहरांमध्ये नागरिकांनी जमिनीच्या कंपनाचा अनुभव घेतला. काही ठिकाणी इमारती थरथरल्या, तर घरातील सामान हलल्याच्या घटनाही घडल्या. भूकंपामुळे लोक घाबरून रस्त्यांवर आले आणि काही काळ दहशतीचे वातावरण निर्माण झाले. या भूकंपामुळे आतापर्यंत कोणत्याही जीवितहानी किंवा मोठ्या प्रमाणात मालमत्तेच्या नुकसानाची नोंद झालेली नाही. (हेही वाचा – बारावीच्या विद्यार्थ्यांना निकालाचे वेध ; वाचा काय आहेत नवीन अपडेट)
जम्मू-काश्मीरच्या काही भागांमध्येही या भूकंपाचे हलके धक्के जाणवले. भूकंपाचा प्रभाव भारतातील पंजाबमधील अमृतसरपासून 415 किलोमीटर पश्चिमेला असलेल्या भागातही काही प्रमाणात जाणवला. (हेही वाचा – खासदारानं संसदेत सलग २५ तास भाषण देऊन केला विक्रमी, म्हणाला आपला देश संकटात आहे…)
राष्ट्रीय भूकंपीय निगरानी केंद्राने (NSMC) दिलेल्या माहितीनुसार, भूकंपाची तीव्रता मध्यम स्वरूपाची होती आणि त्याचा केंद्रबिंदू तुलनेने कमी खोलीवर असल्याने नुकसानाची शक्यता कमी आहे. रिश्टर स्केलवर 5.0 ते 5.9 तीव्रतेचा भूकंप मध्यम श्रेणीत मोडतो. अशा भूकंपांमुळे कमकुवत बांधकामांना नुकसान होऊ शकते, जसे की भिंतींना भेगा पडणे, खिडक्या तुटणे किंवा घरातील सामान खाली पडणे. मात्र, या भूकंपामुळे इस्लामाबाद आणि आसपासच्या भागांमध्ये अशा घटनांची फारशी माहिती समोर आलेली नाही. (हेही वाचा – महाराष्ट्रातील एका शेतकऱ्याला एका झाडाने रात्रीतून केले करोडपती)