मोठी बातमी : वाराणसीत पंतप्रधान मोदींच्या कारवर चप्पल फेक ?

20 June 2024

Varanasi : वाराणसी लोकसभा निवडणुकीत विजय मिळवल्यानंतर पंतप्रधान नरेंद्र मोदी मंगळवारी पहिल्यांदाच उत्तर प्रदेशातील वाराणसी या त्यांच्या लोकसभा मतदारसंघाचा दौरा केला. त्यावेळी त्यांनी अनेक कार्यक्रमात भाग घेतला. तसेच वाराणसी मधून त्यांनी रोड शो देखील केला मात्र या दरम्यान पंतप्रधान नरेंद्र मोदी यांच्या सुरक्षेत हलगर्जीपणाचे प्रकरण समोर आले आहे.

वाराणसी लोकसभा मतदारसंघातून पंतप्रधान नरेंद्र मोदी यांचा ताफा जात असताना त्यांच्या बुलेटप्रूफ कारवर चप्पल फेकण्यात आल्याचे सांगण्यात येत आहे. या घटनेचा व्हिडिओही समोर आला आहे. पीएम मोदींचा ताफा गजबजलेल्या भागातून जात असून लोक मोदी-मोदीच्या घोषणा देत असल्याचे दिसून येत आहे. यावेळी त्यांच्या ताफ्यावर चप्पल फेकण्यात आल्याचे सांगण्यात येत आहे, चप्पल फेकतानाचे दृष्य व्हिडिओमध्ये दिसत नाही. मात्र कारवरून चप्पल काढतानाचा व्हिडिओ समोर आला आहे. या कृत्याला जबाबदार असलेल्या व्यक्तीला पकडण्यात आले आहे की नाही हे अद्याप स्पष्ट झालेले नाही.

Slipper thrown at PM Modi’s bulletproof car in Varanasi. Isn’t this a massive security breach? pic.twitter.com/mO6tao7Vh5
— Vijaita Singh (@vijaita) June 19, 2024

समोर आलेल्या या घटनेच्या व्हिडिओमध्ये दिसत आहे की, पंतप्रधान मोदींचा ताफा गर्दीच्या भागातून जात आहे आणि लोक मोदी-मोदीच्या घोषणा देत आहेत. यावेळी त्यांच्या सुरक्षेसाठी तैनात असलेला एक सुरक्षा कर्मचारी वाहनाच्या बोनेटवर पडलेली चप्पल मागे फेकली. याचा एक व्हिडिओ आता समोर आला आहे. या घटनेनंतर अनेक प्रश्न उपस्थित होत आहे.