मोठी बातमी : पुण्यात सोन्याने भरलेला ट्रक सापडला, सर्वत्र एकच खळबळ

25 October 2024

Pune : राज्यातील विधानसभा निवडणुका जाहीर झाल्यानंतर आचारसंहिता लागू झाली आहे. त्यामुळे राज्यभर नाकाबंदी करून वाहनांची तपासणी केली जात आहे. अशाच तपासणी दरम्यान पुणे शहरातील सहकार नगर पोलीस स्टेशनच्या हद्दीत नाकाबंदी दरम्यान तब्बल 138 कोटी रुपये किमतीचं सोनं पोलिसांनी जप्त केलं आहे, ज्यामुळे संपूर्ण शहरात खळबळ उडाली आहे.

पोलिसांनी दिलेल्या माहितीनुसार, आज सकाळी सहकार नगरमध्ये नियमित नाकाबंदी दरम्यान एमएच 02 ईआर 8112 या क्रमांकाचा पांढऱ्या रंगाचा कंटेनर थांबवून तपासणी करण्यात आली. तपासणी दरम्यान पोलिसांच्या हाती. कंटेनरमधून तब्बल 138 कोटी रुपयांचं सोनं आढळलं.

पोलिसांनी कंटेनर चालक आणि त्याच्यासोबत असलेल्या व्यक्तीकडे सोन्याच्या वाहतुकीसाठी आवश्यक असलेली कागदपत्रं मागितली असता, त्यांच्याकडे रीतसर कागदपत्रं होती. तपासादरम्यान समोर आलं की हे सोनं डिलिव्हरी ट्रान्सपोर्टचं होतं.

या कारवाईमुळे पोलिसांनी निवडणूक काळात वाहन तपासणीची प्रक्रिया किती महत्वाची ठरू शकते, याचा प्रत्यय दिला आहे. या मोठ्या तपासणीमुळे शहरात आणि राज्यभरात चर्चा रंगली असून, सोन्याच्या वाहतुकीची सखोल चौकशी सुरू आहे.

आचारसंहिता लागू असल्याने निवडणूक आयोगाच्या निर्देशांनुसार राज्यभरात तपासणी प्रक्रिया कडक करण्यात आली आहे, ज्याचा उद्देश निवडणूक काळात कोणत्याही अवैध गोष्टींना आळा घालणे आहे.ही कारवाई निवडणूक आचारसंहितेच्या काळात घडल्यामुळे या घटनेची गंभीर दखल घेतली जात आहे. पुण्यातील या प्रकरणामुळे शहरात एकच खळबळ उडाली आहे.