जुन्नर / आनंद कांबळे : जुन्नर तालुका शिवनेर शिक्षण प्रसारक मंडळाचे अध्यक्ष ॲॅड.संजय शिवाजीराव काळे यांच्या वाढदिवसानिमित्त श्री शिव छत्रपती महाविद्यायीन विदयार्थी ग्राहक संस्था मर्या, जुन्नर यांच्या वतीने मोफत शैक्षणिक साहित्याचे वाटप करण्यात आले. (Junnar)
या प्रसंगी संस्थेचे उपाध्यक्ष ॲॅड. निवृत्ती काळे, खजिनदार कांताताई मस्करे, पालक प्रतिनिधी अशोकराव काळे, व विश्वस्त अनिल जोगळेकर ॲड.अविनाश थोरवे, अध्यक्ष प्रतिनिधी प्रा.व्ही.बी कुलकर्णी, प्राचार्य डॉ. महादेव वाघमारे, उपप्राचार्य डॉ.रविंद्र चौधरी व कनिष्ठ महाविद्यालयाच्या समन्वयक प्रा.प्रतिभा लोढा, पर्यवेक्षक प्रा.समीर श्रीमंते तसेच जुन्नर परिसरातील जेष्ठ नागरिक, सभापती डॉ.विनायक लोखंडे, सेक्रेटरी मनिषा कोरे व सर्व संचालक मंडळ व महाविद्यालयातील प्राध्यापक वृंद व शिक्षकेत्तर कर्मचारी’ बहुसंख्य विद्यार्थी या वेळी उपस्थित होते. (Junnar)
या कार्यक्रम प्रसंगी महाविद्यालयातील गरीब, होतकरू गरजु विदयार्थ्यांना मोफत शैक्षणिक साहित्याचे वाटप उपस्थित मान्यवरांच्या हस्ते करण्यात आले. शिक्षणाची ज्ञानगंगा घरोघरी पोहचविण्याचा प्रयत्न करणारे तसेच दुर्बल, मागास,आदिवासी व ग्रामीण भागातील विद्यार्थ्यांना शिक्षणाद्वारे मुख्य प्रवाहामध्ये आणण्यासाठी व त्यांच्या उज्वल भविष्याकरीता, सर्वांगीण विकासासाठी श्री शिव छत्रपती महाविद्यालयाच्या माध्यमातून महत्त्वाचे कार्य ॲड.संजय काळे करीत आहेत.
संस्थेच्या सुवर्ण महोत्सवी वर्षानिमित्त ॲड.काळे साहेबांच्या संकल्पनेतून जुन्नर तालुक्यातील इयत्ता दहावीच्या सर्व गुणवंत विशेषता प्रत्येक शाळेतील पहिले तीन क्रमांकाचे विद्यार्थी यांचा पेढे, पुष्पगुच्छ व सन्मानचिन्ह देऊन त्यांच्या शाळेमध्ये किंवा घरी जाऊन सत्कार करण्यात आला. विशेष म्हणजे गुणवंत विद्यार्थ्यांना महाविद्यालयामध्ये मोफत प्रवेश दिला गेला. शिवाय असंख्य निराधार, गरीब व होतकरू विद्यार्थ्यांना महाविद्यालयामध्ये प्रवेश घेताना त्यांची आर्थिक परिस्थिती लक्षात घेऊन फी सवलत तसेच वेळ प्रसंगी मोफत ही प्रवेश दिला जातो. तसेच जुन्नर कृषी उत्पन्न बाजार समितीचे सभापती व पीडीसीसी बँकेचे संचालक व जुन्नर तालुका शिवनेर शिक्षण प्रसारक मंडळाचे अध्यक्ष या तीन महत्वाच्या जबाबदाऱ्या समर्थपणे संभाळत असून यावरील तिन्ही संस्थेचे नेतृत्व करीत असताना सर्व सामान्य शेतकरी व गोरगरिब नागरिक, होतकरू विद्यार्थी यांच्या प्रगतीचा व विकासाचा विचार करणारे हे अष्टपैलु व्यक्तिमत्व आहे. तसेच वाढदिवसाचे औचित्य साधून मान्यवरांच्या हस्ते महाविद्यालय परिसरात वृक्षारोपण करण्यात आले.
हेही वाचा :
मोठी बातमी : अजित पवारांना मोठा धक्का ; अनेक नेत्यांचा शरद पवार गटात पक्ष प्रवेश
बेरोजगारीचे धक्कादायक वास्तव ! मुंबईत 600 लोडर्स पदासाठी तब्बल 25,000 तरूणांची गर्दी
मोठी बातमी : लाडकी बहीण’ योजनेनंतर आता लाडका भाऊ योजना, ‘हा’ मिळणार लाभ
केदारनाथमधून तब्बल 228 किलो सोने गायब, शंकराचार्यांनी केला गंभीर आरोप
अनुसूचित जाती, जमाती प्रवर्गातील नागरिकांना दुधाळ जनावरे गट वाटपाची योजना