नवी दिल्ली : २०२२ च्या पद्म पुरस्कारांची घोषणा झाली आहे. यावर्षी चार जणांना पद्मविभूषण पुरस्कार जाहीर झाला आहे. या वर्षी १७ जणांना पद्मभूषण पुरस्कार जाहीर झाला आहे. पद्मश्री १०७ जणांना जाहीर झाला आहे. यामध्ये पश्चिम बंगालचे मुख्यमंत्री राहिलेले बुद्धदेव भट्टाचार्य यांनी पद्मभूषण पुरस्कार स्विकारण्यास नाकारला आहे.
बंगालच्या सीपीएम युनिटचे सचिव सूर्यकांत मिश्रा यांनी बुद्धदेव भट्टाचार्जी यांच्या वतीने एक निवेदन जारी करून म्हटले आहे की, कोणीही त्यांच्या घरी येऊ नये. त्यांची शारीरिक स्थिती पाहता पोस्टाद्वारेच संपर्क साधता येईल. मिश्रा यांनी ट्विट केले की, ‘बुद्धदेव भट्टाचार्य यांना हलणे, वाचणे आणि लिहिणे अवघड आहे. त्यांच्याकडून काही सल्ला घ्यायचा असेल तर तो लेखी द्यावा लागतो आणि मग वाचून दाखवा लागतो. त्यानंतरच त्यांची संमती घेतली जाते. या विषयावर त्यांची प्रतिक्रिया कळवणे ही आमची जबाबदारी आहे.
२०२२ पद्म पुरस्कारांची घोषणा, असे आहेत पुरस्काराचे मानकरी
Buddhadeb Bhattacharya has asked me to request everybody including government officials not to call/visit him in this matter.
All official contacts may kindly be made in his residential/ CPIM) WB State Committee address by postal correspondence considering his health condition. https://t.co/YdFUM5Lmlj— Surjya Kanta Mishra (@mishra_surjya) January 25, 2022
गुंतवणूकदारांसाठी खुशखबर ! पोस्ट ऑफीसात अवघ्या १०० रुपयांत आरडी सुरु करा आणि मिळवा आकर्षक परतावा
पद्मभूषण पुरस्कारासाठी त्यांचे नाव पुढे आल्यानंतर, बुद्धदेव भट्टाचार्जी यांनी त्यांच्या पक्षाच्या सहकाऱ्यांमार्फत एक निवेदन जारी केले, ‘मला पद्मभूषण पुरस्काराबद्दल काहीही माहिती नाही. याबाबत कोणीही काहीही सांगितलेले नाही. जर मला पद्मभूषण देण्यात आले असेल तर मी ते नाकारतो. त्यांनी नकार दिल्यानंतर वाद आणखी वाढला.
Com. Buddhadeb Bhattacharya who was nominated for the Padma Bhushan award has declined to accept it. The CPI(M) policy has been consistent in declining such awards from the State. Our work is for the people not for awards. Com EMS who was earlier offered an award had declined it. pic.twitter.com/fTmkkzeABl
— CPI (M) (@cpimspeak) January 25, 2022
बँक ऑफ बडोदा येथे 220 जागांसाठी भरती, आजच अर्ज करा!
गृहमंत्रालयाचे म्हणणे आहे की, त्यांचे नाव निश्चित करण्यापूर्वी त्यांच्या कुटुंबीयांकडून मंजुरी घेण्यात आली होती. त्यांच्या पत्नी मीरा भट्टाचार्य यांना सरकारच्या या निर्णयाची माहिती देण्यात आली. मंत्रालयाने सांगितले की, त्यांच्या कुटुंबातील कोणीही त्यांना पद्मभूषण पुरस्कार मिळू इच्छित नसल्याचे सांगितले नाही.
त्याचवेळी बुद्धदेव भट्टाचार्य यांच्या कुटुंबीयांचे म्हणणे आहे की, त्यांना हा सन्मान देण्यात येत असल्याची माहिती देणारा फोन आला होता. बुद्धदेव भट्टाचार्जी यांना पद्मभूषण पुरस्काराने सन्मानित करण्यात येत असल्याची माहिती फोन करणार्‍याने दिली होती, परंतु कुटुंबाच्या संमतीशिवाय फोन तात्काळ डिस्कनेक्ट करण्यात आला होता, असे कुटुंबीयांनी सांगितले.
गृह मंत्रालयाच्या सूत्रांनी सांगितले की, कोणत्याही सेलिब्रेटीला पद्म पुरस्कार देण्यापूर्वी त्याच्याशी किंवा त्याच्या कुटुंबीयांशी संपर्क साधून सरकारच्या निर्णयाची माहिती दिली जाऊ शकते.
पद्मभूषण पुरस्कारासाठी नामांकन झालेले बुद्धदेव भट्टाचार्य यांनी ते स्वीकारण्यास नकार दिला आहे. मार्क्सवादी कम्युनिस्ट पक्षाचे सरकारी पुरस्कारांबाबत पूर्वीपासूनच अशी भूमिका घेत आला आहे. आमचे काम लोकांसाठी आहे, पुरस्कारासाठी नाही. कॉम्रेड ईएमएस नंब्रुदीपाद ज्यांना यापूर्वी पुरस्कार देण्यात आला होता, त्यांनी तो नाकारला होता.
ग्राहकांसाठी खुशखबर : आता एकदाच करा मोबाईल रिचार्ज अगदी अल्पदरात, ६ महिने ‘नो टेन्शन’
कोण आहेत बुद्धदेव भट्टाचार्य ?
बुद्धदेव भट्टाचार्य २००० ते २०११ पर्यंत पश्चिम बंगालचे मुख्यमंत्री राहिले आहेत. मार्क्सवादी कम्युनिस्ट पक्षाच्या वतीने जादवपूर मतदारसंघातून सलग २४ वर्षे विधानसढा सदस्य राहिल्याचा विक्रम त्यांच्या नावावर आहे. मार्क्सवादी कम्युनिस्ट पक्षाच्या प्रमुख नेत्यांपैकी ते एक आहेत.