Bengaluru : पालकांनी मोबाईल काढून घेतल्याच्या रागातून 13 वर्षीय विद्यार्थ्याने आपल्या राहत्या घरी गळफास घेऊन आत्महत्या केल्याची घटना मंगळवारी रात्री घडली. या घटनेमुळे संपूर्ण परिसरात हळहळ व्यक्त केली जात आहे.
कशी घडली घटना? (Bengaluru)
मिळालेल्या माहितीनुसार, मृत मुलगा सतत मोबाईल वापरत असल्याने दोन दिवसांपूर्वी पालकांनी त्याच्याकडून फोन काढून घेतला होता. याच कारणामुळे तो नाराज होता. मंगळवारी रात्री घरी कोणी नसताना त्याने आपल्या खोलीत गळफास घेतला.
मुलाची आई कपड्यांच्या कारखान्यातून घरी परतली, तेव्हा मुलाने गळफास घेतला होता, मात्र दोरी तुटल्यामुळे तो फरशीवर बेशुद्ध अवस्थेत पडला होता. घाबरलेल्या आईने तातडीने शेजाऱ्यांच्या मदतीने त्याला जवळच्या रुग्णालयात नेले, मात्र डॉक्टरांनी त्याला मृत घोषित केले.
कुटुंबाची परिस्थिती आणि पोलिसांचा तपास
आई कपड्यांच्या कारखान्यात काम करते तर मुलाचे वडील बेकरीत काम करतात. आत्महत्येच्या वेळी त्याची बहीण हॉलमध्ये टीव्ही पाहत होती. पोलिसांनी दिलेल्या माहितीनुसार, मोबाईलवरून झालेल्या नाराजीमुळे मुलाने हे टोकाचे पाऊल उचलले असण्याची शक्यता आहे.
या दुर्दैवी घटनेमुळे पालकांनी मुलांशी संवाद साधण्याची गरज अधोरेखित झाली आहे. मुलांचे मानसिक आरोग्य आणि तणाव समजून घेत, त्यांना योग्य मार्गदर्शन करण्याची आवश्यकता आहे. मोबाईलच्या अतिवापरामुळे मुलांच्या मानसिक आरोग्यावर परिणाम होतो आणि अशा टोकाच्या घटना घडतात.
या घटनेचा अधिक तपास बेंगळुरू पोलीस करत असून, मुलाच्या आत्महत्येमागील इतर कोणतेही कारण होते का, याची चौकशी सुरू आहे.
हे ही वाचा :
मोठी बातमी : 40 लाख द्या, MPSC ची प्रश्नपत्रिका देतो; विद्यार्थ्यांना फोन, राज्यात खळबळ
घर घेणाऱ्या इच्छुकांसाठी धक्का! १ एप्रिलपासून रेडीरेकनर दरात १० टक्के वाढ
संतापजनक : गोरेगावमध्ये 75 वर्षीय वृद्ध महिलेवर बलात्कार, 20 वर्षीय तरुण अटकेत
महाकुंभ मेळ्यातील व्हायरल मोनालिसा चित्रपटात दिसणार ! प्रसिद्ध दिग्दर्शकाची ऑफर
चीनच्या नव्या चॅटबॉटमुळे जगभरात खळबळ, अनेक कंपन्यांचे शेअर कोसळले
कुंभमेळ्यात चेंगराचेंगरी, १७ जणांचा मृत्यू, शेकडो जखमी
गुइलेन बॅरे सिंड्रोमच्या रुग्णसंख्येत मोठी वाढ; केंद्रीय आरोग्य टीम पुण्यात येणार