लवकरच हाऊसफुल 5 येणार प्रेक्षकांच्या भेटीला !

बॉलिवूड अभिनेता अक्षय कुमार मुख्य भूमिकेत असलेला ‘हाऊसफुल’ या कॉमेडी चित्रपटाच्या सीरिजने प्रेक्षकांना वेड लावलं. २०१० साली प्रदर्शित झालेल्या या चित्रपटाचे सिक्वेलही प्रेक्षकांच्या तितकेच पसंतीस उतरले.हाऊसफुल’ चित्रपटाप्रमाणेच इतर तीनही सिक्वेलह हीट ठरले होते. आता लवकरच याचा पुढचा भाग प्रेक्षकांच्या भेटीला येणार आहे.

साजिद नाडियावालाने ‘हाऊसफुल’ चित्रपटाच्या सीरिजची निर्मिती केली आहे. ‘हाऊसफुल ५’ चित्रपटासाठी तयारी करत असल्याची माहिती ‘पिंकविला’ने दिली आहे. मीडिया रिपोर्टमुसार, ‘हाऊसफुल’ सीरिजमधील सगळे कलाकार ‘हाऊसफुल ५’मध्ये दिसण्याची शक्यता आहे. ‘हाऊसफुल ४’ चित्रपटाच्या प्रदर्शनापासूनच साजिद नाडियावाला या सीरिजच्या पुढच्या भागाचा विचार करत आहेत. ‘हाऊसफुल’ सीरिजमधील सगळ्या पात्रांना योग्य न्याय देण्याचा प्रयत्न ‘हाऊसफुल ५’ मध्ये करण्यात येत आहे. कथा आणि पटकथा यावर अजूनही काम सुरू आहे. ‘हाऊसफुल ५’ हा या सीरिजमधील सगळ्यात धमाकेदार चित्रपट असणार आहे.

‘पिंकविला’ने दिलेल्या माहितीनुसार, ‘हाऊसफुल’ चित्रपटाच्या सीरिजचे निर्माते साजिद नाडियावाला स्वत: ‘हाऊसफुल ५’साठी लिहिण्यात येत असलेल्या स्क्रिप्टमध्ये लक्ष घालत आहेत. या चित्रपटात बॉलिवूड अभिनेता अक्षय कुमारसह, रितेश देशमुख, बॉबी देओल, जॉन अब्राहम आणि अभिषेक बच्चनही मुख्य भूमिकेत दिसणार आहेत. याबरोबरच ‘हाऊसफुल’ सीरिजमध्ये प्रमुख भूमिका साकारलेल्या अभिनेत्रींही झळकणार असल्याची माहिती आहे.