पुणे - पिंपरी चिंचवड

Rainy season : एका मिनिटात काय होतं – सुरक्षा संदेश देणारा video व्हायरल

3 July 2024

पिंपरी चिंचवड / क्रांतीकुमार कडुलकर : पावसाळा सुरू झाला की, सृष्टीचे रुपडेच पालटते. निसर्गरम्य हिरवळ, आणि वाहणारे सुंदर, विलोभनीय धबधबे पर्यटकांना आकर्षित करत असतात. ओढे, नाले, नद्या ओथंबून वाहत जातात. डोंगरमाथ्यावरून फेसाळणारे पाणी अल्लड-खट्याळ बालकासारखे बागडत असते. (Rainy season)

पर्यटन म्हणजे निसर्गाची नवलाई अनुभवण्यासाठी तरुणाई सहलीचे आयोजन करत असते. शनिवार-रविवारसह दोन सुट्या टाकून तरुणाई निसर्ग सौंदर्य लुटण्यासाठी घराबाहेर पडते. सृष्टीसौंदर्य डोळ्यात साठवत असताना पर्यटकांना उत्साहाचे भान रहात नाही, पाणी जीवन आहे, पण हेच पाणी जेव्हा वेगवान होते, तेव्हा जीवघेणे ठरते. (Rainy season)

तुमची आणि तुमच्या ग्रुपची सुरक्षा तुमच्या हातात असते, सरकारने पर्यटन करतांना विशेष काळजी घेण्याचे आवाहन करुनही धबधब्यामध्ये तरुणाई सह कुटुंबवत्सल शिकलेले पण हुकलेले लोक सुरक्षा नियमांची पायमल्ली करतात.

1 मिनिटात धबधब्याचे पाणी कसे वाढते बघा. व्हिडिओ आपल्याकडील नसेल तरी धबधब्याची परिस्थिती सारखीच असते.
सावध रहा ! अवास्तव धमक नको. pic.twitter.com/SzuM0EOoQ4
— Dr. ( Ar) Padmakar Kole (@mastermind_n_u) July 3, 2024

पाण्याचा अंदाज मान्सूनच्या काळात कोणालाच कळत नाही, दरवर्षी पुणे जिल्ह्यातील तसेच राज्यातील पाण्यात बुडून मरणाऱ्या पर्यटकांच्या बातम्या प्रसिद्ध होत असतात. नुकतेच भुशी धरणाच्या क्षेत्रात एक कुटुंब वाहून गेले आहे. (Rainy season)

त्याची कारणे काय आहेत. हे समजून घेण्यासाठी एका मिनिटात धबधबा किती धोकादायक ठरू शकतो याचा व्हिडिओ व्हायरल झाला आहे. त्यामुळे व्हिडिओ रिल, फोटो शूटिंग करताना काळजी घ्या, याबाबत पुणे जिल्हाधिकारी व पोलीस अधीक्षकांनी आधीच सूचना दिल्या आहेत.