Pune Accident : पुणे अपघात प्रकरण ; वेदांतचे ब्लड टेस्ट रिपोर्ट बदलण्यासाठी लाखोंचा व्यवहार

27 May 2024

0

Pune Accident : पुण्यातील पोर्शे कार हिट अँड रन प्रकरणात नवीन धक्कादायक माहिती समोर आली आहे. अल्पवयीन मुलाच्या वैद्यकीय अहवालात छेडछाड केल्या संदर्भात माहिती समोर येत आहे. यामुळे सर्वत्र एकच खळबळ उडाली आहे. या संदर्भात गुन्हे शाखेने एका डॉक्टराला अटक केल्याची माहिती समोर आली आहे.

---Advertisement---

पुण्यातील पोर्शे कार हिट अँड रन प्रकरणानंतर पोलिसांच्या सुरूवातीच्या कारवाई पासून ते या प्रकरणातील इतर घटनेबाबत सातत्याने संताप व्यक्त केला जात होता. तसेच आरोपीच्या वैद्यकीय अहवालाबाबत शंका व्यक्त केली जात होती. अशात आता या प्रकरणात नवीन माहिती समोर आली आहे. वेदांतने घटनेवेळी अल्कोहोल घेतले होते की नाही याबाबत खुलासा करण्यात येणार आहे.

Pune Accident : वेदांतच्या रिपोर्ट मध्ये अदलाबदल

अपघाताच्या घटनेनंतर घेतलेल्या वेदांतच्या ब्लड टेस्ट रिपोर्ट मध्ये अदलाबदल करण्यात आल्याची धक्कादायक माहिती समोर आली आहे. अशातच आता पुणे पोलिसांनी याबाबत ससून येथील डॉक्टर अजय तावरे यांना अटक करण्यात आली आहे. Pune Accident

---Advertisement---

अल्पवयीन आरोपी वेदांतच्या ब्लड टेस्ट रिपोर्ट बदलण्यासाठी तब्बल 3 लाख रूपये देण्यात आल्याची धक्कादायक माहिती समोर आली. या प्रकरणी डॉ. अजय तावरे आणि श्रीहरी हरनोर अशी अटक करण्यात आलेल्यांची नावे आहेत.