अभिमानास्पद : भारतीय वंशाच्या सुएला ब्रेव्हरमन यांना क्वीन एलिझाबेथ ‘वुमन ऑफ द इयर’ पुरस्कार जाहीर !

ब्रिटनच्या भारतीय वंशाच्या गृहसचिव सुएला ब्रेव्हरमन यांना लंडनमधील एका समारंभात पहिल्या क्वीन एलिझाबेथ ‘वुमन ऑफ द इयर’ पुरस्कारासाठी निवड करण्यात आली आहे.

४२ वर्षीय बॅरिस्टर सुएला ब्रेव्हरमन यांच्या आई उमा या तामिळ आहेत. तर त्यांचे वडील क्रिस्टी फर्नांडिस हे मूळचे गोव्याचे आहेत. १९६० च्या दशकात त्यांचे आई वडिल केनिया आणि मॉरिशसमधून लंडन येथे आले असल्याचे ब्रेव्हरमन यांनी म्हटले आहे. गृह सचिव पदासाठी ‘सुएला ब्रेव्हरमन’ या यूकेचे पंतप्रधान लिझ ट्रस यांची पहिली पसंती होती. २०२० – २२ दरम्यान त्या अॅटर्नी जनरल होत्या. मे २०१५ मध्ये त्या फरेहमसाठी कंझर्वेटिव्ह खासदार म्हणून निवडून आल्या होत्या. त्यानंतर ब्रेव्हरमन या आता पहिल्या राणी एलिझाबेथ II वुमन ऑफ द इयर पुरस्काराच्या प्राप्तकर्त्या बनल्या आहेत.

कोणत्याही जातीची किंवा पार्श्वभूमीची पर्वा न करता, कार्य साध्य करण्यासाठी हा जगातील सर्वोत्तम देश आहे. प्रत्येकाला त्यांची क्षमता ओळखण्यासाठी पाठिंबा देण्यासाठी एकत्र काम करत राहू अशी प्रतिक्रिया त्यांनी दिली आहे.