लाडक्या बहीणींची संक्रांत गोड होणार, योजनेचे पैसे जानेवारीत मिळणार

23 December 2024

0

Ladki Bahin Yojana : राज्याचे हिवाळी अधिवेशन नागपूर येथे नुकतेच संपन्न झाले. या अधिवेशनात मुख्यमंत्री देवेंद्र फडणवीस यांनी महिलांसाठी महत्वाची घोषणा केली. लाडकी बहीण योजना सुरूच राहणार असल्याची खात्री देत मुख्यमंत्री फडणवीस यांनी डिसेंबर महिन्याच्या रकमेबाबत महत्त्वाची माहिती दिली. हिवाळी अधिवेशनानंतर डिसेंबरचे पैसे थेट नवीन वर्षाच्या सुरुवातीला, म्हणजेच जानेवारी महिन्यात लाभार्थी महिलांच्या खात्यावर जमा होतील, असे त्यांनी स्पष्ट केले.

---Advertisement---

महायुती सरकारने निवडणुकीपूर्वी योजनेतील रकमेचे प्रमाण 1500 रुपयांवरून 2100 रुपये करण्याचे आश्वासन दिले होते. निवडणुकीनंतर महायुती सरकार पुन्हा सत्तेत आले असल्याने, सरकार दिलेला शब्द पाळेल का, याकडे महिलांचे लक्ष लागले आहे.

लाडकी बहीण योजनेचा लाभ 2 कोटींहून अधिक महिलांनी घेतला आहे. जुलै ते नोव्हेंबरपर्यंतच्या 5 महिन्यांचे एकूण 7500 रुपये लाभार्थी महिलांच्या खात्यात जमा करण्यात आले आहेत. आता महिलांना डिसेंबरच्या हप्त्याची आतुरतेने प्रतीक्षा आहे.

---Advertisement---

लाडकी बहीण योजनेसाठी पात्रतेचे काही निकष निश्चित करण्यात आले आहेत.

21 ते 65 वयोगटातील पात्र महिलांना लाभ मिळणार
ज्या कुटुंबाचे वार्षिक उत्पन्न अडीच लाख रुपयांपेक्षा जास्त आहे, त्या अपात्र ठरतील.
महिलेकडे किंवा तिच्या कुटुंबात ट्रॅक्टर वगळता चारचाकी वाहन असल्यास लाभ मिळणार नाही.
कुटुंबातील सदस्य शासकीय किंवा कंत्राटी नोकरीत असल्यास योजनेचा लाभ मिळणार नाही.
कुटुंबातील सदस्य विद्यमान किंवा माजी आमदार/खासदार असल्यास योजनेस अपात्र.
संजय गांधी निराधार योजनेसारख्या आर्थिक लाभाच्या योजनांसारख्या इतर शासकीय आर्थिक लाभ घेत असलेल्या महिलांनाही ही योजना लागू होणार नाही.
ज्या महिला किंवा त्यांचे कुटुंबीय कर भरतात, त्या महिलांना लाभ मिळणार नाही.

योजनेतील लाभाची रक्कम वाढवून महिलांना 2100 रुपये देण्याचे निवडणुकीपूर्वीचे आश्वासन आता प्रत्यक्षात येईल का, याची प्रतीक्षा आहे. सरकारकडून याबाबत निर्णय झाल्यास महिलांची संक्रांत गोड होणार, यात शंका नाही.