मोठी बातमी : जुन्नरचे बिबटे गुजरातला जाणार, वाचा काय आहे कारण !

26 May 2024

0

Junnar : पुणे जिल्ह्यातील जुन्नर तालुक्यात वन्यप्राणी आणि मानवी संघर्ष सतत पाहायला मिळत आहे. यात मानवदेखील मृत्यूमुखी पडत आहेत. वन्यप्राण्याकडून होणाऱ्या हल्ल्यावर उपाययोजना म्हणून जुन्नरचे बिबटे गुजरातला पाठविण्याचा निर्णय घेण्यात आला आहे. जुन्नर वन विभागाचे उपवनसंरक्षक अमोल सातपुते यांनी पत्रकार परिषदेत ही माहिती दिली आहे.

---Advertisement---

अलिकडच्या काळात बिबट्यांच्या संख्येत मोठ्या प्रमाणावर वाढ झाली आहे. त्यामुळे बिबट्यांच्या आणि मानवावरील हल्ल्याच्या घटना मोठ्या प्रमाणावर वाढल्या आहेत. लोकसभा निवडणुकीच्या प्रचारात देखील बिबट्याच्या प्रश्न समोर आला होता. मात्र आता यावर उपाययोजना म्हणून वनविभागाने मोठा निर्णय घेतला आहे. गुजरातमध्ये बिबट्याच्या वास्तव्यासाठी उपाययोजना तयार करण्यात आल्या असून जुन्नरचे बिबटे गुजरातच्या जामनगर येथील सेंट्रल झू मध्ये पाठविण्यात येणार आहे. त्यासाठीची केंद्राची देखील परवानगीही मिळाली आहे.

वन विभागाचे उपवनसंरक्षक अमोल सातपुते यांनी सांगितले कि, जुन्नर वन विभागात बिबट्याची वाढती संख्या व हल्ले वाढले असून मानव बिबट संघर्ष वाढला असल्याने वन विभागाने उपाययोजना सुरू केल्या आहेत. जुन्नरमध्ये पकडलेले बिबट गुजरातच्या जामनगर येथील सेंट्रल झु मध्ये पाठवण्यात येणार आहेत.

---Advertisement---

Junnar

तसेच, माणिकडोह बिबट निवारा केंद्राचे विस्तारिकरण करण्यात येणार आहे. आधीचे 40 आणि नवीन 60 बिबट्यांना या ठिकाणी हक्काचा निवारा मिळणार आहे. यासोबत AI अर्थात आर्टिफिशीयल इंटेलिजियन्सद्वारे लक्ष ठेवले जाईल. तसेच 150 नवीन पिंजरे, रेस्क्यू वाहने आणि व्याघ्र प्रकल्पाप्रमाणे स्पेशल प्रोटेक्षण फोर्स वाढवला जाणार आहे.