Gurucharan Singh : 25 दिवसांनंतर बेपत्ता अभिनेता घरी, अभिनेत्याने केला मोठा खुलासा

19 May 2024

Gurucharan Singh : ‘तारक मेहता का उल्टा चष्मा’ या सोनी सबवरील लोकप्रिय मालिकेतील एक अभिनेता अनेक दिवसांपासून बेपत्ता होता. अखेर 25 दिवसांनंतर हा अभिनेता घरी परतला आहे. हा अभिनेता म्हणजे रोशन सिंग सोढी ही भूमिका साकारणारा गुरुचरण सिंग.

अभिनेता गुरुचरण सिंग यांनी तारक मेहता का उल्टा चष्मा या लोकप्रिय मालिकेतून अनेक वर्षे चाहत्यांच्या मनावर राज्य केलं. मात्र अभिनेता गुरुचरण सिंग 22 एप्रिल रोजी संध्याकाळी दिल्लीहून मुंबईसाठी निघाला होता. पण तो मुंबईत पोहोचलाच नाही. त्यानंतर त्याच्याशी कोणताच संपर्क झाला नाही. या घटनेच्या चार दिवसांनंतर त्याच्या कुटुंबाने तो बेपत्ता असल्याची तक्रार पोलिस ठाण्यात दाखल केली होती.

पोलिसात तक्रार दाखल केल्यानंतर तेव्हापासून पोलीस त्यांचा शोध घेत होते. अखेर तो अभिनेता 25 दिवसांनंतर घरी परतला आहे. मात्र आता एवढ्या दिवस अभिनेता गुरुचरण सिंग नेमका कुठे होता, काय करत होता? याची माहिती समोर आली आहे.

कुठे होता Gurucharan Singh

दुनियादारी सोडून धार्मिक यात्रेला गेलो होतो. बरीच दिवस मी अमृतसरमध्ये थांबलो होतो. असा खुलासा स्वतः गुरुचरण यांनी केला आहे. त्यांनी सांगितले की, लुधियानासारख्या अनेक शहरांमधील गुरुद्वारमध्ये काही दिवस थांबलो. त्यानंतर पुन्हा आपल्या वडिलांकडे जावं, असं मला वाटलं. त्यामुळे मी पुन्हा घरी येण्याचा निर्णय घेतला, असं गुरुचरण सिंग यांनी सांगितले आहे.