घरगुती सिलिंडर दारात ५० रुपयाने महागला

नवी दिल्ली:सरकारी तेल कंपन्यांनी घरगुती गॅस सिलिंडरचे दर ५० रुपयांनी वाढवण्यात आल्याने मुंबईत १४.२ किलोच्या घरगुती सिलिंडरची किंमत आता १ हजार १०२ इतकी झाली आहे. बुधवारी सकाळपासून घरगुती एलपीजी सिलिंडरच्या दरात ५० रुपयांनी वाढ झाल्याने पुणे मुंबई सह देशातील शहरात लाखो ग्राहकांवर खर्चाचा बोजा वाढला आहे.

सरकारी इंधन कंपन्यांनी जारी केलेल्या नव्या दरानुसार,१ मार्चपासून घरगुती गॅस सिलिंडरचे दर ५० रुपयांनी वाढवण्यात आले आहे. याशिवाय १९ किलोच्या व्यावसायिक गॅस सिलिंडरच्या दरातही तब्बल ३५० रुपयांनी वाढ करण्यात आली आहे. आधीच महागाईच्या भडक्यात होरपळून निघालेल्या सर्वसामान्यांना सरकारने मोठा दणका दिला आहे.१९ किलोच्या व्यावसायिक सिलिंडरचे दर २ हजार ११९ इतके झाले आहेत.