काँग्रेसच्या दलित नेत्याचा मंदिरात प्रवेश ; भाजपच्या नेत्याकडून गंगाजल शिंपडून मंदिराचे शुद्धीकरण

Tika Ram Jully On Gyan Dev Ahuja : राजस्थानमधील अलवर जिल्ह्यात काँग्रेसचे नेते आणि राजस्थान विधानसभेतील विरोधी पक्षनेते टीकाराम जूली यांनी रविवारी, ६ एप्रिल २०२५ रोजी अलवरमधील एका राम मंदिरात दर्शन घेतले. या घटनेनंतर दुसऱ्याच दिवशी, सोमवारी ७ एप्रिल रोजी भारतीय जनता पक्षाचे (बीजेपी) माजी आमदार ज्ञानदेव आहूजा यांनी त्या मंदिरात गंगाजल शिंपडून “शुद्धीकरण” केल्याची घटना घडली, या घटनेनंतर आता संताप व्यक्त केला जात आहे.

रामनवमीच्या निमित्ताने अलवरमधील अपनाघर शालिमार या निवासी सोसायटीतील राम मंदिरात प्राणप्रतिष्ठा सोहळा आयोजित करण्यात आला होता. या कार्यक्रमात टीकाराम जूली यांच्यासह अनेक स्थानिक नेते आणि नागरिक सहभागी झाले होते. जूली हे दलित समाजाचे प्रतिनिधी असून, त्यांनी मंदिरात दर्शन घेतल्यानंतर बीजेपी नेते ज्ञानदेव आहूजा यांनी या भेटीवर आक्षेप घेतला. (हेही वाचा – मोठी बातमी : मनसे पक्षाची मान्यता रद्द होणार ? राज ठाकरे विरोधात सर्वोच्च न्यायालयात याचिका)

आहूजा यांनी दावा केला की, “ज्या लोकांनी भगवान रामांच्या अस्तित्वाला आव्हान दिले, अशा लोकांच्या मंदिरात येण्याने ते अपवित्र झाले आहे.” त्यानंतर त्यांनी मंदिरात गंगाजल शिंपडून शुद्धीकरणाचा विधी केला. या कृतीने राजकीय वातावरण तापले असून, काँग्रेसने याला दलितविरोधी मानसिकतेचे प्रतीक ठरवले आहे.  (हेही वाचा – मला प्रेमात अडकवून लग्न करण्यासाठी 20 कोटींची सुपारी)

काँग्रेसकडून घटनेचा निषेध | Tika Ram Jully

काँग्रेसने या घटनेचा तीव्र निषेध केला आहे. टीकाराम जूली यांनी याला बीजेपीची “दलितविरोधी मानसिकता” ठरवताना म्हटले, “हा केवळ माझ्या व्यक्तिगत विश्वासावर हल्ला नाही, तर अस्पृश्यतेच्या कुप्रथेला प्रोत्साहन देणारा प्रकार आहे. बीजेपीला दलित मंदिरात पूजा करताना पाहवत नाही का? भगवान फक्त बीजेपी नेत्यांचेच आहेत का?” त्यांनी मुख्यमंत्री भजनलाल शर्मा आणि बीजेपी प्रदेशाध्यक्ष मदन राठोड यांच्याकडे स्पष्टीकरण मागितले आहे की, ते या कृतीचे समर्थन करतात का? (हेही वाचा – धक्कादायक : टार्गेट पूर्ण न केल्याने कामगारांना कुत्रा बनवले, प्रायव्हेट पार्टला स्पर्श व्हिडिओ व्हायरल)

ज्ञानदेव आहूजा यांना पक्षातून निलंबित करून कारणे दाखवा नोटीस

बीजेपीने या प्रकरणात आहूजा यांच्यावर कठोर कारवाई केली आहे. पक्षाने त्यांना प्राथमिक सदस्यत्वातून निलंबित करून कारणे दाखवा नोटीस जारी केली आहे. बीजेपीचे प्रदेश महामंत्री दामोदर अग्रवाल यांनी नोटीसमध्ये म्हटले आहे की, “आहूजा यांच्या कृतीमुळे पक्षाची प्रतिमा मलीन झाली आहे आणि हा अनुशासनभंगाचा प्रकार आहे.” पक्षाने यातून स्वतःला वेगळे ठेवण्याचा प्रयत्न केला असला तरी काँग्रेसने हा मुद्दा पकडून बीजेपीवर हल्लाबोल सुरू ठेवला आहे. (हेही वाचा – नाशिकमध्ये पत्नी पीडित पुरुषांचा मेळावा, पुरुष आयोगाची केली मागणी)

टीकाराम जूली हे दलित समाजाचे प्रमुख नेते असून, त्यांनी आपल्या राजकीय कारकीर्दीत अनेकदा सामाजिक समतेचा मुद्दा उपस्थित केला आहे. दुसरीकडे, ज्ञानदेव आहूजा हे त्यांच्या वादग्रस्त विधानांसाठी ओळखले जातात. यापूर्वीही त्यांनी अनेकदा आपल्या वक्तव्यांमुळे चर्चेत राहण्याचा प्रयत्न केला आहे. (हेही वाचा – महात्मा फुले यांच्यावरील चित्रपटातील दृश्यावर ब्राह्मण महासंघाचा आक्षेप)