#Save Hindus In Bangladesh #All Eyes on Hindus हा हॅश टॅग प्रसारित होत आहे.
बांगला देशातील देशातील हिंदू अल्पसंख्याक तसेच बौद्ध, ख्रिश्चन यांच्यावर होणारे हल्ले आणि मालमत्तेची मंदिर यावरील हल्ल्याची जगातील सर्व देशांनी चिंता व्यक्त केली आहे. सोशल मीडियावर चर्चांना गती मिळाली आहे आणि ढाका येथे हिंदूंना व इतर बिगर मुस्लिम नागरिकांच्या विद्यमान दुर्दैवी परिस्थितीवर जागरूकता निर्माण झाली आहे. (All Eyes on Hindus)
नोबेल पुरस्कार प्राप्त मोहम्मद युनुस यांनी नवीन अंतरिम सरकारचे प्रमुख सल्लागार म्हणून पदभार स्वीकारल्यानंतर संकट आणखी गडद झाले आहे. शेख हसीना यांची अचानक राजीनामा आणि देश सोडण्याने ढाका हिंसाचाराने ग्रस्त झाला आहे, विशेषतः हिंदू समुदायाना लक्ष्य बनवले जात आहे.
#All Eyes On Hindus In Bangladesh हा हॅशटॅग सोशल मीडियावर चर्चेत आहे, जो गाझा संघर्षा दरम्यानच्या संघर्षात मृत्युमुखी पडत असलेल्या हमास इस्राईल संघर्षात बळी पडत असलेल्या पॅलेस्टाईन नागरिकांना पाठिंबा देण्यासाठी जगभर #All Eyes On Rafah हा हॅशटॅग सुरू होता.
हा नवीन हॅशटॅग फक्त ट्रेंड नाही, तर बांगलादेशातील हजारो हिंदूंना भेडसावणाऱ्या कठोर वास्तवाचे प्रदर्शन आहे. जमात-ए-इस्लामी सारख्या कट्टरतावादी गटांनी हिंसाचार भडकवले असल्याचे आरोप आहेत.
आंदोलने आणि राजकीय तडजोड
विद्यार्थ्यांच्या आरक्षण प्रणाली विरोधातील आंदोलनाने सुरुवात केली. 1971 च्या स्वतंत्रता युद्धातील कुटुंबांना 30 टक्के सरकारी नोकऱ्या आरक्षित असतात. हे आंदोलन राजकीय शक्तीने हॅक केले आणि व्यापक हिंसाचाराला जन्म दिला. शेख हसीना यांनी भारतात आश्रय घेतल्यावर परिस्थिती आणखी वाईट झाली.
आताच्या राजकीय परिस्थितीत हिंदू अल्पसंख्याकांच्या सुरक्षेच्या बाबतीत चिंता वाढली आहे. कॅनडा, अमेरिका आणि ऑस्ट्रेलियात रॅली करून बांगलादेशातील हिंदूंच्या सुरक्षेसाठी मागणी केली जात आहे.
या जागतिक विरोधामुळे #Save Hindus In Bangladesh मोहिमेला गती मिळाली आहे.
सोशल मीडियावर तोडलेले मंदिरे, नष्ट केलेली हिंदू प्रतीके, जळलेली घरे, आणि हिंदूंना मारहाण व धमक्या यांचा समावेश आहे. (All Eyes on Hindus)
शेख हसीना यांनी भारतात आश्रय घेतला नंतर बांगला देशाला जणू एक प्रकारच्या अराजकाने गाठले आहे. हे हल्ले राजकीय हेतूने प्रेरित आहेत का, असे काही लोक सांगतात, कारण हिंदू समुदायाने शेख हसीना यांच्या अवामी लीग पार्टीला ऐतिहासिक समर्थन दिले आहे.
दिल्लीने या घटनेवर चिंता व्यक्त केली आहे आणि यानंतर मोहम्मद युनुस यांनी हिंदू विद्यार्थ्यांशी आणि तरुणांसोबत बैठक आयोजित केली आहे.
अंतरिम सरकार हिंदूवरील हल्ले थांबविण्यासाठी कटिबद्ध आहे का, हे लक्षात घेणे महत्वाचे आहे. बांगलादेशातील हिंदू अल्पसंख्याकांचा भविष्यावर जगभर लक्ष केंद्रित केले आहे. दरम्यान भारतात सत्ताधारी आणि विरोधी पक्षांनी अल्पसंख्य हिंदू, बौद्ध, ख्रिश्चन यांचे रक्षण करा, असे आवाहन केले आहे.
बांगलादेशात एकूण लोकसंख्येत 91.4 % मुस्लिम उर्वरित हिंदू 7.95 %, बौद्ध 0.62, ख्रिश्चन 0.30 % आणि इतर 0.12 % आहेत (आकडेवारी जनगणना 2022) अशी आहे.
बांगला देशात जे काही घडत आहे,त्यावर माजी पंतप्रधान शेख हसीना यांनी स्पष्ट आरोप करून अमेरिकेला घेरले आहे. हिंसाचार घडवणारे सारे भारत विरोधी घटक आणि त्यांना साथ देणारे पाकिस्तान, चीन आहेत. अलीकडच्या विविध माध्यमाच्या रिपोर्ट वरून आंतरराष्ट्रीय तज्ज्ञांनी बांगला देशातील संकट गडद होत आहे, अशी भीती व्यक्त केली आहे.