Vinesh phogat disqualified : पेरिस ऑलिम्पिक 2024 मध्ये भारतासाठी मोठा धक्का बसला आहे. महिला कुस्तीच्या 50 किग्रॅ वजनगटातील अंतिम सामन्यापूर्वी भारतीय कुस्तीपटू विनेश फोगाट यांना अधिक वजनामुळे अपात्र घोषित करण्यात आले आहे. मंगळवारी झालेल्या उपांत्य फेरीत त्यांनी क्यूबाच्या लोपेज गुजमानला 5-0 ने पराभूत केले होते आणि ऑलिम्पिकच्या अंतिम फेरीत पोहोचणाऱ्या पहिल्या भारतीय महिला कुस्तीपटू बनल्या होत्या.
भारतीय ऑलिम्पिक संघाने (IOA) याची पुष्टी केली आहे आणि सांगितले की, विनेश फोगाट (Vinesh phogat) यांना वजन जास्त असल्यामुळे अपात्र ठरविण्यात आले आहे. संघाने आपल्या वक्तव्यात म्हटले आहे की, “महिला कुस्तीच्या 50 किग्रॅ वर्गात विनेश फोगाट यांना अपात्र ठरवण्यात आल्याने भारतीय संघाला खूप दुःख झाले आहे. रात्रीभर संघाने केलेल्या उत्कृष्ट प्रयत्नांनंतरही, आज सकाळी त्यांचे वजन 50 किग्रॅपेक्षा काही ग्रॅम जास्त होते. या घटनेबाबत संघाकडून आणखी काही बोलले जाणार नाही. भारतीय संघ विनेशच्या प्रायव्हसीचा आदर करण्याची विनंती करतो आणि तो सध्याच्या स्पर्धांवर लक्ष केंद्रित करू इच्छितो.”
Vinesh phogat disqualified :
विनेश फोगाट यांचा या ऑलिम्पिकमधील प्रवास खूपच उल्लेखनीय राहिला आहे. उपांत्य फेरीपूर्वी त्यांनी क्वार्टर फाइनलमध्ये यूक्रेनच्या लिवाच उकसाना यांना 7-5 ने पराभूत केले होते. उपांत्य फेरीत, पहिल्या राऊंडपर्यंत त्या 1-0 ने आघाडीवर होत्या आणि शेवटच्या तीन मिनिटांत त्यांनी क्यूबाच्या कुस्तीपटूवर डबल लेग अटॅक करून चार पॉइंट मिळवले होते. या आघाडीला त्यांनी अखेरपर्यंत कायम ठेवले होते आणि अंतिम फेरीत प्रवेश मिळवला होता.
हेही वाचा :
BSNL लवकरच 5G आणणार, पहिला 5G व्हिडीओ कॉल यशस्वीरित्या
बांगलादेशातील दंगलीत २५ लोकांना जिवंत जाळले, फाईव्ह स्टार हॉटेल पेटवले
मोठी बातमी : मुख्यमंत्री लाडकी बहीण योजनेविरोधातील याचिकेवर न्यायालयाचा मोठा निर्णय
मोठी बातमी : पंतप्रधान पदाच्या राजीनाम्यानंतर शेख हसीना भारतात दाखल
शेख हसीना देश सोडून पळाल्या, लष्करप्रमुख वाकेर-उझ-जमान यांची पत्रकार परिषद
सर्वात मोठी बातमी : पंतप्रधान शेख हसीना यांचा राजीनामा
खेळताना हौदात पडून 4 वर्षीय मुलाचा दुर्दैवी मृत्यू, थरकाप उडवणारी घटना कॅमेरात कैद
दिल्ली येथे होणार 98वे अखिल भारतीय मराठी साहित्य संमेलन