अलीराजपूर : मध्य प्रदेशातील आदिवासीबहुल अलीराजपूर जिल्ह्यात भरदिवसा रस्त्यात महिलांवर लैंगिक अत्याचार केल्याप्रकरणी 15 आरोपींना ताब्यात घेण्यात आले आहे. त्याचबरोबर या घटनेचा व्हिडिओ बनवून व्हिडिओ सोशल मीडियावर टाकणाऱ्या दोघांना ताब्यात घेण्यात आले आहे.
Men,some of them wearing saffron shawl molesting adivasi women in broad daylight in MP’s Alirajpur
Khulle aam sadak par rape honge ab. Koi bhi party kitne bhi election jeet jaaye, kya badal jayega auraton ke liye is desh me?
FILTH OF A COUNTRY FOR WOMEN. ESPECIALLY MARGINALIZED pic.twitter.com/IXEGMiLyCt
— Tanushree Pandey (@TanushreePande) March 13, 2022
अलीराजपूर जिल्ह्यातील वालपूर गावात आदिवासी सण भगोरिया साजरा होत असताना काही लोकांनी महिलांवर अत्याचार केला. ही घटना शुक्रवारी घडली. व्हायरल झालेल्या व्हिडिओमध्ये 18 ते 25 वर्षे वयोगटातील पुरुषांचा एक गट दिवसाढवळ्या महिलांवर अत्याचार आणि लैंगिक छळ करताना दिसत आहे. यावेळी आरोपींना थांबवण्याऐवजी जमाव हसताना दिसत आहे. त्यांना कोणीही अडवले नाही. तर काही लोक या घटनेचा व्हिडिओ करताना दिसत आहे. सोशल मीडियावर व्हायरल झालेल्या व्हिडिओच्या आधारे त्या व्यक्तींवर पोलीसांनी कारवाई केली आहे. या प्रकरणातील आरोपींची ओळख पटली असून या घटनेत 15 आरोपींना ताब्यात घेण्यात आले आहे. मात्र, या संदर्भात कोणत्याही महिलेकडून कोणतीही तक्रार आली नसल्याचे पोलिसांनी सांगितले.
माननीय मुख्यमंत्री जी व मध्य प्रदेश शासन का निर्देश, महिलाओं की सुरक्षा पहली प्राथमिकता, वालपूर भगौरिया मेले में बच्चियों के साथ अश्लील हरकत करने वाले मुख्य आरोपी के साथ सभी 15 आरोपी को हिरासत में लिया – अलीराजपुर पुलिस @ChouhanShivraj @mohdept @DGP_MP @IGP_INDORE
— SP Alirajpur (@sp_alirajpur) March 13, 2022
अलीराजपूर जिल्ह्याचे पोलिस अधीक्षक मनोज सिंह यांनी रविवारी सांगितले की, “आम्ही या प्रकरणी तीन आरोपींना अटक केली आहे. तिघांविरुद्ध भारतीय दंड संहितेच्या कलम 354 आणि 34 अंतर्गत गुन्हा दाखल केला आहे. व्हायरल झालेल्या व्हिडिओमध्ये हे तिघेही महिलांसोबत गैरवर्तन करताना दिसत आहेत. आम्ही व्हिडिओ बनवणाऱ्या व्यक्तीला ताब्यात घेतले आहे आणि सोशल मीडियावर पोस्ट करणाऱ्या दुसऱ्या व्यक्तीलाही ताब्यात घेतले आहे.