Priyanka Gandhi : लोकसभेत प्रियांका गांधी यांची मोदी सरकार जोरदार टीका, राजा वेश बदलतो…

13 December 2024

नवी दिल्ली : प्रियंका गांधी (Priyanka Gandhi) यांची वायनाड मधून लोकसभेवर निवड झाल्यानंतर त्यांनी प्रथमच लोकसभेमध्ये जोरदार भाषण केले. त्यांनी दिलेल्या भाषणात केंद्र सरकारवर सडकून टीका केली. त्यांनी संविधानावर चर्चा करताना मोदी सरकारला घेरले आणि अनेक मुद्द्यांवर तीव्र टीका केली.

प्रियंका गांधी म्हणाल्या, “पूर्वीचा राजा वेषांतर करून जनतेमध्ये जात होता, आपल्या राज्य कारभाराबाबत तो लोकांची मते जाणून घेत असे. पण आजचा राजा वेश बदलतो, तो त्याचा शौक आहे, पण ते जनतेच्या भावना समजून घेत नाहीत. प्रियंका गांधी यांनी भाजप सरकारवर आरोप करत सांगितले की, देशात भयमुक्त वातावरण नाही, “देशाच्या इतिहासात, ब्रिटिश साम्राज्याच्या काळात भीतीचे वातावरण होते, आणि आज त्याच गोष्टींचा सामना आम्ही करीत आहोत.” त्यांनी आरोप केला की, सत्ताधारी पक्ष विरोधकांना मुक्त विचारांची मुभा दिली नाही, तर त्यांना तुरुंगात टाकण्यात येत आहे.

पहले एक कहानी होती थी

राजा भेष बदलकर लोगों के बीच आलोचना सुनने जाता था।

आज के राजा को भी भेष बदलने का बहुत शौक है…

लेकिन उनमें न जनता के बीच जाने की हिम्मत है और न आलोचना सुनने की।

: लोक सभा में कांग्रेस महासचिव श्रीमती @priyankagandhi जी pic.twitter.com/RUE92S1ohC
— Congress (@INCIndia) December 13, 2024

प्रियंका गांधींनी यांनी, “सध्याचे सरकार विशिष्ठ उद्योगपतींच्या हितासाठी काम करत आहे, देशाची सर्व संसाधने, सर्व संपत्ती, सर्व संधी एकाच व्यक्तीकडे सोपवल्या जात आहेत. आणि सामान्य जनता दररोजच्या कष्टात संघर्ष करत आहे.”

सरकारच्या कामकाजावर ताशेरे मारत प्रियंका गांधी म्हणाल्या, बेरोजगारी, महागाई आणि कृषी मूल्यांच्या कायद्यांसारख्या समस्यांवर सरकार कोणती उपाययोजना करत आहे. उद्योगपतिंच्या फायद्यासाठी कृषी कायदे आणत आहेत आणि शेतकऱ्यांना कुठलाही फायदा मिळत नाही.

प्रधानमंत्री जी संसद में संविधान की किताब को माथे से लगाते हैं, लेकिन संभल, हाथरस और मणिपुर में जब न्याय की गुहार उठती है तो उनके माथे पर शिकन तक नहीं आती।

शायद समझ नहीं पाए हैं कि भारत का संविधान, संघ का विधान नहीं है। pic.twitter.com/tN3m4vIXWn
— Priyanka Gandhi Vadra (@priyankagandhi) December 13, 2024

प्रियंका गांधींनी (Priyanka Gandhi) अखेरच्या भागात संविधानाचे महत्व सांगितले. त्या म्हणाल्या की, “हा देश साहस आणि संघर्षावर उभा आहे. संविधान आम्हाला एकतेचा आणि प्रेमाचा संदेश देतो. भारतीय राज्यघटना हे आरएसएसचे संविधान नाही. ते केवळ कागदपत्र नाही. न्याय आणि आशेची ती ज्योत आहे. संविधानाने प्रत्येक नागरिकाला सरकार बनवण्याचा किंवा पाडण्याचा अधिकार दिला आहे. ही राज्यघटना न्यायाची हमी देते.