Friday, July 12, 2024
Homeआंतरराष्ट्रीयभारतीय तिरंग्याची ताकद ! पाकिस्तानी, तुर्की विद्यार्थ्यांनी केली युक्रेन बॉर्डर पास !

भारतीय तिरंग्याची ताकद ! पाकिस्तानी, तुर्की विद्यार्थ्यांनी केली युक्रेन बॉर्डर पास !

रशिया-युक्रेन युद्ध : युक्रेनमधून रोमानियातील बुखारेस्ट शहरात आलेल्या भारतीय विद्यार्थ्यांनी सांगितले की, भारताच्या तिरंग्याने त्यांना तसेच काही पाकिस्तानी आणि तुर्की विद्यार्थ्यांना बॉर्डर पार करण्यास मदत केली.

युक्रेनच्या शेजारील देशांतून ‘ऑपरेशन गंगा’ अंतर्गत चालवल्या जाणार्‍या विशेष निर्वासन उड्डाणे पकडण्यासाठी भारतीय विद्यार्थी रोमानियन शहरात आले. एअर इंडिया, स्पाईसजेट आणि इंडिगो या कंपन्या विशेष उड्डाणे करत आहेत.

दक्षिण युक्रेनमधील ओडेसा येथून आलेल्या एका वैद्यकीय विद्यार्थ्याने सांगितले की, “आम्हाला युक्रेनमध्ये सांगण्यात आले होते की भारतीय असल्याने आणि भारतीय ध्वज बाळगल्याने आम्हाला कोणतीही अडचण येणार नाही.” विद्यार्थ्यांनी भारतीय ध्वज तयार करण्यासाठी बाजारातून स्प्रे पेंट्स कसे विकत घेतले हे सांगितले.

“मी बाजारात धावत गेलो, काही रंगांचे स्प्रे आणि एक पडदा विकत घेतला. त्यानंतर मी पडदा कापला आणि भारतीय तिरंगा बनवण्यासाठी स्प्रे पेंट केला,” असे एका विद्यार्थ्याने सांगितले. ते पुढे म्हणाले की काही पाकिस्तानी आणि तुर्की विद्यार्थ्यांनीही भारतीय ध्वज वापरून चौक्या पार केल्या.

संबंधित लेख
- Advertisment -

लोकप्रिय