मुंबई : महाराष्ट्रात घर खरेदी करण्याचा विचार करत असलेल्या नागरिकांसाठी महत्त्वाची बातमी आहे. राज्य सरकारने १ एप्रिल २०२५ पासून रेडीरेकनर (Ready Reckoner) दरात १० टक्क्यांची वाढ करण्याचा निर्णय घेतला आहे. यामुळे घर, जमीन आणि व्यावसायिक मालमत्ता खरेदीसाठी अधिक किंमत मोजावी लागणार आहे.
रेडीरेकनर (Ready Reckoner) दरवाढीचा परिणाम
राज्यातील सर्वच भागांमध्ये घरांच्या किमती आधीच सामान्य नागरिकांच्या आवाक्याबाहेर गेल्या आहेत. पिंपरी-चिंचवड आणि पुणे यांसारख्या औद्योगिक शहरांमध्ये २ बीएचके फ्लॅटची किंमत ६५ ते ८५ लाख रुपयांच्या दरम्यान आहे, तर १ बीएचके फ्लॅट बाजारात उपलब्धच नाहीत. वाढलेल्या मुद्रांक शुल्क आणि नोंदणी शुल्कामुळे मध्यमवर्गीय आणि असंघटित क्षेत्रातील नागरिकांसाठी घर घेणे आणखी कठीण होणार आहे.
सरकारच्या तिजोरीला फायदा, नागरिकांना फटका
रेडीरेकनर दरवाढीमुळे राज्य सरकारला ७५ हजार कोटी रुपयांचा अतिरिक्त महसूल मिळण्याचा अंदाज आहे. मात्र, ही वाढ ग्राहकांसाठी मोठा आर्थिक बोजा ठरणार आहे. याआधी, कोरोनाच्या संकटानंतर २०२० पासून रेडीरेकनर दर वाढवलेले नव्हते. मात्र, नवीन सरकारने महसूल वाढीच्या उपाययोजनांचा आढावा घेतला आणि दरवाढीचा निर्णय घेतला.
बांधकाम क्षेत्रासमोरही अडचणी
सिमेंट, स्टील आणि बांधकाम सामग्रीच्या वाढलेल्या किमती, ५ टक्के जीएसटी आणि १ टक्का मेट्रो टॅक्स यामुळे आधीच अडचणीत असलेल्या बांधकाम क्षेत्रावर ही दरवाढ अतिरिक्त भार टाकणार आहे. त्यामुळे घरांच्या किमती आणखी वाढण्याची शक्यता असून विक्रीवर परिणाम होऊ शकतो. यावर क्रेडाईने सरकारला एफएसआयवरील कर आणि इतर शुल्क वाढवू नये, अशी विनंती केली आहे.
घर खरेदी करायची असल्यास घाई करा!
जर तुम्ही नवीन घर किंवा मालमत्ता खरेदी करण्याचा विचार करत असाल, तर १ एप्रिलपूर्वी व्यवहार पूर्ण करणे फायदेशीर ठरू शकते. अन्यथा, वाढलेल्या रेडीरेकनर दरांमुळे तुमच्या खिशाला मोठा फटका बसण्याची शक्यता आहे.
हे ही वाचा :
संतापजनक : गोरेगावमध्ये 75 वर्षीय वृद्ध महिलेवर बलात्कार, 20 वर्षीय तरुण अटकेत
महाकुंभ मेळ्यातील व्हायरल मोनालिसा चित्रपटात दिसणार ! प्रसिद्ध दिग्दर्शकाची ऑफर
चीनच्या नव्या चॅटबॉटमुळे जगभरात खळबळ, अनेक कंपन्यांचे शेअर कोसळले
कुंभमेळ्यात चेंगराचेंगरी, १७ जणांचा मृत्यू, शेकडो जखमी
गुइलेन बॅरे सिंड्रोमच्या रुग्णसंख्येत मोठी वाढ; केंद्रीय आरोग्य टीम पुण्यात येणार
चिमुकल्याने 26 जानेवारीला सादर केला लावणीवर भन्नाट डान्स, व्हिडीओ व्हायरल
ऑनलाईन गेमिंगमुळे 17 वर्षीय तरुणीची हाताची नस कापून गळ्यावर जखम