तांदूळवाडी ता. बारामती (क्रांतिवीर रत्नदीप):
तांदुळवाडी येथील बाबुराव दादा बेलदार पाटील इंग्लिश मीडियम स्कूल येथे प्रजासत्ताक दिन मोठ्या उत्साहात साजरा करण्यात आला. कार्यक्रमाच्या सुरुवातीला ॲड. बळवंत बेलदार पाटील यांच्या हस्ते ध्वजारोहण करण्यात आले व ध्वजगीत गाऊन राष्ट्रध्वजाला मानवंदना देण्यात आली.
बाबुराव दादा बेलदार पाटील स्कूल मध्ये प्रजासत्ताक दिनाच्या निमित्ताने विद्यार्थ्यांना खाऊ वाटप करण्यात आला. मान्यवरांच्या हस्ते उत्तेजनार्थ बक्षीसे देऊन विद्यार्थ्यांचा सत्कार करण्यात आला व सांस्कृतिक कार्यक्रमाचेही आयोजन करण्यात आले. विद्यार्थ्यांनीही सांस्कृतिक कार्यक्रमास उत्कृष्ट प्रतिसाद दिला. या कार्यक्रमासाठी ॲड. बळवंत बेलदार पाटील, मंगेश एजगर, स्कूलच्या प्राचार्या सोलनकर मॅडमसह इतर शिक्षकवृंद ,पालकवर्ग व ग्रामस्थ उपस्थित होते.
