मुंबई : राज्यात राज्यसभा निवडणूकीची जोरदार तयारी सुरू आहे. राज्यसभेच्या सहाव्या जागेवरून राजकारण चांगलंच तापलं आहे. मत फुटू नये यासाठी सर्वच पक्षांकडून काळजी घेण्यात येत आहे. राज्यसभा निवडणूकीत सध्या महाविकास आघाडीसोबत १३ अपक्ष आमदार आहेत.
भाजपाने सहाव्या जागेसाठी धनंजय महाडिकांना मैदानात उतरवल्यानंतर चुरस वाढली आहे. आमदारांना आपल्यासाठी वळवण्यासाठी शिवसेना व भाजपामध्ये जोरदार रस्सीखेच सुरू आहे. दरम्यान मनसेचे एकमेव आमदार राजू पाटील नेमके कोणाला मतदान करणार याबाबत सर्वांना उत्सुकता लागली होती.
ब्रेकिंग : सीएनजी च्या दरात वाढ, मध्यरात्रीपासून नवे दर लागू
मनसे आमदार कोणाला मतदान करणार अशी चर्चा राजकीय वर्तुळात सुरू असताना भाजपाचे नेते आशिष शेलार यांनी महाराष्ट्र नवनिर्माण सेनेचे अध्यक्ष राज ठाकरे यांची नुकतीच भेट घेतली आहे. त्यामध्ये राज्यसभा निवडणुकीमध्ये मनसेचे मत भाजपाला मिळावे यासाठी मी मनसे अध्यक्ष राज ठाकरेंना विनंती केली आहे. त्यानंतर मनसेचे एकमेव आमदार राजू पाटील हे राज्यसभा निवडणुकीत भाजपालाच मतदान करतील, हे स्पष्ट झालं आहे. शेलार यांनी याबाबतची माहिती दिली आहे.
भाजप नेते आशिष शेलार यांच्यासोबतच्या बैठकीनंतर राज ठाकरे यांनी आमदार राजू पाटील यांना भाजपाला मतदान करण्याचे आदेश दिल्याचे सांगितले जात आहे.
वन विभाग अंतर्गत विविध पदांसाठी भरती, 20000 ते 40000 रूपये पगाराची नोकरी
पुणे येथे 10 वी आणि 12 वी पास करू शकता अर्ज, BRO मध्ये 876 जागांसाठी भरती
भारतीय विमानतळ प्राधिकरण अंतर्गत 400 पदांसाठी भरती, 40000 रूपये पगाराची नोकरी