ताज्या बातम्या राजकारण राष्ट्रीय लोकसभा २०२४

Rahul gandhi : राहुल गांधी यांना एका खासदारकीचा राजीनामा द्यावा लागणार, वाचा काय आहे कारण !

6 June 2024

Rahul gandhi : काँग्रेस नेते राहुल गांधी वायनाड आणि अमेठी या दोन्ही लोकसभा मतदार संघातून मोठ्या मताधिक्यानी विजयी झाले आहे. 2019 च्या लोकसभेच्या तुलनेत काँग्रेसने यावर्षीच्या 2024 च्या निवडणूकीत चांगली कामगिरी केली आहे. काँग्रेसचे 99 खासदार निवडून आले असून इंडिया आघाडीचे 240 खासदार निवडून आले.

राहुल गांधी (Rahul gandhi) यांनी या वर्षी वायनाड आणि अमेठी या दोन लोकसभा मतदार संघातून निवडणूक लढली होती. मात्र 2019 च्या लोकसभेच्या निवडणूकीत वायनाड आणि रायबरेलीतून लढले होते. त्यावेळी राहुल गांधी यांचा वायनाड मधून विजय तर रायबरेलीतून भाजप नेत्या स्मृती इराणी यांनी राहुल गांधी यांचा पराभव केला होता. आता राहुल गांधी दोन्ही जागेवर निवडणूक जिंकली आहे मात्र गांधी यांना एका जागेवरून राजीनामा द्यावा लागणार आहे.

भारतीय संविधानानुसार, कोणत्याही उमेदवाराला एकापेक्षा अधिक जागांवर निवडणूक लढवता येऊ शकते. पण त्याला निवडून आल्यानंतर त्या उमेदवाराला फक्त एकाच जागेचं प्रतिनिधित्व करता येऊ शकतं. घटनेच्या कलम १०१ (१) आणि लोकप्रतिनिधी कायदा, १९५१ च्या कलम ६८ (१) मध्ये हे स्पष्टपणे नमूद केले आहे.

Rahul gandhi वायनाड या लोकसभेचा राजीनामा देण्याची शक्यता

मिळालेल्या माहितीनुसार, राहुल गांधी (Rahul gandhi) हे केरळ मधील असलेली वायनाड या लोकसभेचा राजीनामा देण्याची शक्यता व्यक्त केली जात आहे. अमेठी ही जागा गांधी परिवारासाठी महत्वाची राहिली आहे. या जागेवरून सोनिया गांधी देखील निवडून येत असतं. त्यामुळे राहुल गांधी हे अमेठी जागेवर कायम राहु शकतात अशी शक्यता व्यक्त केली जात आहे. याबाबत १४ दिवसांच्या आत राहुल गांधी यांना केंद्रीय निवडणूक आयोगाच्या सचिवांना (ECI) लेखी कळवणे आवश्यक आहे.