 |
| Photo : Facebook / Priyanka Chopra |
नवी दिल्ली : रशिया आणि युक्रेनमध्ये सुरू झालेल्या युद्धावर बॉलिवूड अभिनेत्री प्रियांका चोप्राने आपली प्रतिक्रिया दिली आहे. गेल्या तीन दिवसांत रशियन सैन्याने युक्रेनची राजधानी कीवसह अनेक शहरांमध्ये स्फोट घडवून आणले आहेत. या युद्धात अडकलेल्या युक्रेनच्या लोकांची अवस्था पाहून अभिनेत्रीचे मन हेलावले आणि तिने सोशल मीडियावर पोस्ट शेअर करून युक्रेनच्या लोकांबद्दल चिंता व्यक्त केली आणि लोकांना मदत करण्याचे आवाहन केले.
शुक्रवार, 25 फेब्रुवारी रोजी प्रियांकाने तिच्या अधिकृत इंस्टाग्राम हँडलवर युक्रेनवरील हल्ल्यानंतरच्या सद्यस्थितीवर रॉयटर्सने बनवलेला व्हिडिओ शेअर केला. हा धक्कादायक व्हिडिओ युक्रेनमधील भुयारी रेल्वे स्थानकांना भूमिगत बंकर बनवण्यात आल्याचे दाखवण्यात आले आहे. यासोबतच या व्हिडिओमध्ये रशिया-युक्रेन युद्धादरम्यान स्वत:ला वाचवण्यासाठी येथे आश्रय घेतलेल्या लोकांना दाखवण्यात आले आहे. व्हिडिओमध्ये वेड्या अवस्थेत लोक हैराण आणि त्रस्त झालेले दिसत आहेत. काहींना खायला अन्न नाही, तर काही लहान मुलांसह परिस्थिती हाताळण्याचा प्रयत्न करत आहेत.
युक्रेन मधील भीषण परिस्थितीत या जोडप्याने केले लग्न, कारण ऐकून तुम्ही व्हाल भावूक
रशिया – युक्रेन युद्धाच्या सावटाखाली प्रेम कहानीच्या व्हायरल होत असलेल्या फोटो मागचे सत्य वाचा !
व्हिडिओ शेअर करत प्रियांकाने पोस्टमध्ये लिहिले की, ‘युक्रेनमधील सध्याची परिस्थिती खूपच भयानक आहे. निष्पाप लोक स्वतःच्या आणि आपल्या प्रियजनांच्या जीवासाठी भीतीच्या छायेखाली जगत आहेत. ते भविष्याची अनिश्चितता मोजण्याचा प्रयत्न करत आहेत. आजच्या आधुनिक जगात अशी भयावह आणि भितीदायक परिस्थिती कशी निर्माण होऊ शकते हे समजणे कठीण आहे? परंतु हा एक परिणामकारक क्षण आहे जो जगभरात गुंजेल.
यासोबतच अभिनेत्रीने लोकांना मदतीचे आवाहन करत लिहिले की, ‘या युद्धक्षेत्रात राहणारे निष्पाप लोक तुमच्या-माझ्यासारखे आहेत. युक्रेनमधील लोकांना पुढे कशी मदत करावी याबद्दलची सर्व माहिती माझ्या बायो लिंकमध्ये आहे.’
केंद्रीय औद्योगिक सुरक्षा दलामध्ये ११४९ जागांसाठी भरती, १२ वी पास विद्यार्थ्यांना संधी !