Pimpri Chinchwad : सात वर्षापासून वीज वितरण समस्येचा निवारण नाही

10 December 2024

चार-पाच वर्षापासून अनियमित वीज वितरण समस्येचं माहिती देऊनही अधिकाऱ्यांचे दुर्लक्ष (pimpri chinchwad)

Pimpri Chinchwad / क्रांतीकुमार कडुलकर – निगडी येथील यमुनानगर परिसरात गेली सात वर्षभरापासून विद्युत पुरवठा वारंवार खंडित होत असताना बिघाडाबाबतची माहिती सामाजिक व राजकीय कार्यकर्त्यांनी महावितरण कंपनीच्या अधिकाऱ्यांना देण्यात आली होती. परंतु या मागणीकडे दुर्लक्ष केल्याने वारंवार विद्युत पुरवठा खंडित होत असल्याची समस्या अधिक तीव्र झाली आहे. त्यामुळे नागरिक त्रस्त झाले आहेत. (pimpri chinchwad)

यमुनानगर हे पिंपरी चिंचवड नवनगर विकास प्राधिकरणाने विकसित केलेला उच्चभ्रू परिसर आहे. या परिसरात अनेक शैक्षणिक संस्था, बँका,हॉस्पिटल्स व शासकीय कार्यालये आहेत शिवाय अनेकांचे वर्क फ्रॉम होम असल्यामुळे या भागात वीज पुरवठा असणे आवश्यक आहे.

भोसरी विधानसभेचे आमदार महेशदादा लांडगे यांनी सुद्धा दोन वर्षांपूर्वी विद्युत पुरवठा खंडित होण्याची समस्या वाढल्यानंतर जन आंदोलन केले होते. आमदारानी याबाबत सक्त सूचना केल्यानंतर सुद्धा वरिष्ठ अधिकाऱ्यांनी याकडे दुर्लक्ष केले.

अभियंत्यांच्या दुर्लक्षामुळे सध्या ही समस्या अधिक तीव्र झाली आहे. मागील चार वर्षापासून दिवसातून अनेकदा वीज पुरवठा खंडित होत असल्याने नागरिकांना त्रास सहन करावा लागतो. दिवसात तसेच रात्रीच्या सुमारास त्रासही नागरिकांना होतो. संपूर्ण यमुना नगर परिसरात वीज पुरवठा खंडित होण्याची समस्या अधिक आहे. विद्युत पुरवठा खंडित झाल्यास वेळीच बिघाडीची दुरूस्ती होत नाही. त्यामुळे रात्रीच्या सुमारास विद्युत पुरवठा खंडित झाल्यास संपूर्ण रात्र नागरिकांना अंधारातच काढावी लागते.

अनियमित वीज पुरवठा होत असतानाही ग्राहकांना भरमसाठ वीज बिल पाठविले जात आहे.

लॉकडाऊन पासून आधीच सर्व कामधंदे, व्यवसाय ठप्प असतानाही स्थिर आकार, वीज आकार व इतर आकार मिळून अवाढव्य बिल पाठविले जात असल्याने नागरिकांचे महिन्याचे आर्थिक बजेट बिघडत आहे. त्यामुळे यमुनानगरच्या नागरिकांना नियमित विद्युत पुरवठा करावा, अशी मागणी गिरीश देशमुख (अध्यक्ष भाजप युवा मोर्चा) यांच्यासह यमुना नगर विद्युत ग्राहकांनी वीज वितरण कंपनीकडे केली आहे.

ऑनलाईन व बँक व्यवहारांवर परिणाम परिसरात मागील दोन वर्षापासून वीज पुरवठा वारंवार खंडित होत असल्याने शासकीय कार्यालये, बँका तसेच अन्य ऑनलाईन कामे प्रभावित होत आहेत. ऑनलाईन कामे करताना वीज पुरवठा खंडित झाल्यानंतर कामावर परिणाम होतो. तसेच बँकेतील अनेक व्यवहार बाधित होतात. अनेकदा लिंक फेल तर कधी टॉवर बंद होण्याची समस्या उद्भवते. त्यामुळे बँकेत आलेल्या ग्राहकांना आल्यापावली परतावे लागते. नागरी सुविधा केंद्रावर दाखले काढताना अडचणी येतात. ही सर्व समस्या अनियमित वीज पुरवठ्यामुळे उद्भवत असतानाही यमुना नगर येथील वीज वितरण कंपनीचे अधिकारी दुर्लक्ष करीत आहेत, असा आरोप होत आहे.