PCMC : ज्येष्ठ नागरिक संघ हे जीवनाला आनंद देणारे केंद्र आहे – अरुण बागडे

16 June 2024

0

महात्मा फुले नगर, येथे जेष्ठ नागरिकांचा अभिष्टचिंतन सोहळा

पिंपरी चिंचवड / क्रांतीकुमार कडुलकर : आयुष्याच्या या वाटेवर आपल्याला मानसिक आधाराची गरज असते, तो आधार देण्याचं काम ज्येष्ठ नागरिक संघाच्या वतीने करण्यात येते.या अभिष्टचिंतन सोहळा निमित्ताने एकत्र येऊन आपुलकीचा जिव्हाळा निर्माण होतो.

---Advertisement---

संघाच्या मार्फत अनेक सामाजिक उपक्रम राबवले जातात. आयुष्यात कितीही वादळं आली तरी उन्मळून न जाता खंबीरपणे उभे राहून ज्येष्ठांनी आपल्याला आदर्श निर्माण करून दिला आहे. असे प्रतिपादन जेष्ठ नागरिक महासंघाचे स्वीकृत सदस्य अरुण बागडे यांनी केले. pcmc news

महात्मा फुलेनगर, चिंचवड येथील ओम शांती गंगा ज्येष्ठ नागरिक संघ पिंपरी चिंचवड आयोजित १२ सभासदांचा वाढदिवस सन्मान सोहळा आयोजित करण्यात आला होता.

PCMC : ओम शांती गंगा ज्येष्ठ नागरिक संघ, महात्मा फुले नगर, आयोजित सभासदांचा अभिष्टचिंतन सोहळा संपन्न! pic.twitter.com/mWUDYITrjb
— krantikumar kadulkar (@kvk124303) June 16, 2024

यावेळी सत्कारमूर्तीना पारंपारिक पद्धतीने औक्षण करून अभिष्टचिंतन सोहळा संपन्न झाला. या सोहळ्याला ज्येष्ठ नागरिक महासंघाचे (Senior citizens Sangh) अध्यक्ष वृषाली मरळ, स्वीकृत सदस्य अरुण बागडे व वाढदिवस असलेल्या सदस्यांचे परिवारही उपस्थित होते. pcmc news

यावेळी अरुण बागडे म्हणाले, अनेक ज्येष्ठ नागरिक सेवानिवृत्तीनंतर ज्येष्ठ नागरिक संघाचे सदस्य होत आहेत. तिथे विविध सामाजिक, सांस्कृतिक उपक्रम सुरू असतात. निवृत्ती नंतर जगण्याचा आनंद देणारे हे एक केंद्र असते.

---Advertisement---

नव्या उमेदीने जगण्याचा आनंद घेण्यात खरच सुख आहे, ज्येष्ठ नागरिकांचा एकत्रित अभिष्टचिंतन सोहळा हा उपक्रम खूप कौतुकास्पद आहे. मित्र, सहकारी आणि कार्यालयीन भेटीगाठी पासून दूर गेल्याची भावना दूर होते, शांत आणि आनंदी जीवनाचा आस्वाद घेता येतो, सामाजिक सुरक्षितता मिळते, एकाकीपणा जाणवत नाही. स्वतःच्या इच्छेप्रमाणे जीवन जगता येते. असे अरुण बागडे म्हणाले.

कार्यक्रमाचे सूत्रसंचालन यशवंत कण्हेरे यांनी केले, सहभोजनाने अभिष्टचिंतन सोहळ्याचे सांगता झाली.