PCMC : शाहूनगर येथे सदनिका जळून खाक, जीवित हानी नाही

20 May 2024

0

पिंपरी चिंचवड : शाहूनगर, चिंचवड येथील अरण्यम सोसायटी मधील दुसऱ्या मजल्यावरील सदनिकेला मोठी आग लागली. दुपारी दीडच्या सुमारास लागलेल्या या आगीत घरातील सर्व साहित्य जळून खाक झाले. (PCMC)

---Advertisement---

पिंपरी चिंचवड : शाहूनगर येथील अरण्यम सोसायटीत आगीची घटना : मनपाच्या अग्निशामक दलाने तातडीने आग विझविली. कोणतीही जीविहानी नाही pic.twitter.com/2BNWdaxTYb
— krantikumar kadulkar (@kvk124303) May 20, 2024

आगीची खबर मिळताच पिंपरी-चिंचवड अग्निशमन विभागाच्या चिखली उपकेंद्राच्या कर्मचाऱ्यांनी तसेच प्राधिकरण आणि तळवडे उपकेंद्राच्या कर्मचाऱ्यांनी आग विझविली.
घटनास्थळी पोलीस स्टेशनचे पोलीस अधिकारी, महावितरणचे अधिकारी कर्मचारीही येथे आलेले असून सोसायटीमध्ये घरामध्ये अडकलेल्या महिलाना, ज्येष्ठ नागरिकांना सुखरूप बाहेर काढण्याचे काम सर्वांनी केले, सुदैवाने कुठलीही जीवित हानी झाली नाही.

याबाबत येथील सामाजिक कार्यकर्त्या सुप्रिया चांदगुडे म्हणाल्या की, शाहूनगर मधील ही तिसरी घटना आहे, घरगुती विद्युत सुरक्षा प्रमाणित करण्यासाठी सुरक्षा मानके तपासून विद्युत सेफ्टी कडे लक्ष देऊन नागरिकांनी दक्ष राहिले पाहिजे. (PCMC)

---Advertisement---

पावसाळा सुरू झाला आहे पावसामुळे घराच्या भिंती तसेच पावसामुळे तूटलेल्या तारामुळे पाण्यात करंट उतरून शॉक लागण्याची शक्यता वाढते त्यामुळे सर्व सदनिका धारकांनी घरातील, घराबाहेरील, सोसायटी मधील, विजेच्या वायरिंग प्रमाणित करून घ्याव्यात. असे आवाहन सुप्रिया चांदगुडे यांनी केले आहे.