पिंपरी चिंचवड/क्रांतिकुमार कडुलकर:कै.कैलासभाऊ चांदगुडे यांच्या स्मृतिदिनानिमित्त आज दिनांक 14 फेब्रुवारी 2023 रोजी अन्नदान करण्यात आले.
शहरातील चौका-चौकात, फुटपाथ, बस स्टॉपवर फिरणाऱ्या, निराश, विकलांग, विमनस्क आणि मोकळ्या मैदानात किंवा फुटपाथवर वावरणाऱ्या शहरातील बेघरांसाठी कार्य करणाऱ्या पिंपरी कॅम्प येथील सावली निवारा केंद्रातील 17 महिला आणि 38 पुरुषांना आधार महिला मंडळ अध्यक्षा सौ. सुप्रियाताई चांदगुडे व कुटुंबातील सदस्य संदीप चांदगुडे, श्रेया चांदगुडे, शिवानी चांदगुडे, स्नेहल चांदगुडे यांनी अन्नदान केले.
यावेळी संदीप चव्हाण, गणेश कानूरकर, किशोर पवार, शुभम चौधरी सह सावली निवारा केंद्राचे गौतम थोरात, सचिन बोधनकर, अमोल भाट, मिलिंद माळी, अग्निश फ्रान्सिस, सुनीता श्रीनाथ, लक्ष्मी वायकर, उमा भंडारी स्वयंसेवक यावेळी उपस्थित होते.