 |
| Photo Credit : Sunil Sonawane |
चांदवड (सुनिल सोनवणे) : साडेतीन शक्तिपीठांपैकी अर्धपीठ म्हणून प्रसिद्ध असलेल्या रेणुका मातेचा नवरात्र उत्सवात यात्रा भरणार नसून या ठिकाणी दहा दिवस घटी बसणाऱ्या स्त्रियांना व पुरुषांना यावर्षी सुद्धा घटी बसता येणार नाही.
शासनाने कोरोना काळात महाराष्ट्रातील संपूर्ण मंदिरे बंद केली होती, त्यामुळे चांदवड येथील रेणुका माता मंदिर आत्तापर्यंत बंद होती. त्यामुळे संपूर्ण महाराष्ट्रातील व कुलदेवी असलेल्या भाविकांना मातेचे दर्शन घेता आला नाही परंतु आता महाराष्ट्र सरकारने घटस्थापनेपासून मंदिर उघडण्याचा निर्णय घेतला आहे.
या निर्णयामुळे रेणुका देवी ट्रस्टचे व्यवस्थापक मधुकर पवार व सहाय्यक व्यवस्थापक सुभाष पवार यांनी व्यवस्थापनाशी चर्चा करून यात्रा न भरवण्याचा निर्णय घेतला व सर्व भाविकांना रेणुका मातेचे दर्शन सुलभ कसे घेता येईल याची संपूर्ण व्यवस्था बँरीकटिंग, साफसफाई व सीसीटीव्ही कॅमेरे लावून दर्शन कसे चांगल्या पद्धतीने होईल यासाठी ट्रस्टचे प्रयत्न चालू आहेत.
यात्रेनिमित्त मंदिर परिसरात कुठल्याही प्रकारचे दुकाने लावता येणार नाहीत. भाविकांनी सॅनिटायझर व सोशल डिस्टंसिंगचे पालन करावे व ट्रस्टला सहकार्य करावे असे आवाहन व्यवस्थापक मधुकर पवार व सहा. व्यवस्थापक सुभाष पवार यांनी केले आहे.