Nagpur : नागपुरातील कोतवाली पोलीस स्टेशनसमोर आज विश्व हिंदू परिषद (VHP) आणि बजरंग दलाच्या आठ सदस्यांनी आत्मसमर्पण केले. धार्मिक भावना दुखावल्याच्या आरोपाखाली नागपूर पोलिसांनी या सदस्यांविरुद्ध प्रथम माहिती अहवाल (एफआयआर) दाखल केला होता. हे प्रकरण छत्रपती संभाजीनगर (पूर्वीचे औरंगाबाद) येथील मुघल सम्राट औरंगजेबाच्या कबरीच्या मुद्द्याशी संबंधित आहे. या आठ जणांनी औरंगजेबाची कबर हटवण्याच्या मागणीसाठी निदर्शने केली होती, ज्यामुळे वाद निर्माण झाला आणि हिंसाचाराला तोंड फुटले.
पोलिसांनी दिलेल्या माहितीनुसार, या निदर्शनांमुळे शहरात तणावाचे वातावरण निर्माण झाले होते. धार्मिक भावना भडकवल्याचा आरोप ठेवत पोलिसांनी संबंधितांविरुद्ध कायदेशीर कारवाई सुरू केली होती. आज सकाळी या आठ सदस्यांनी स्वत:हून कोतवाली पोलीस स्टेशन गाठून आत्मसमर्पण केले. आत्मसमर्पणानंतर पोलिसांनी त्यांना ताब्यात घेतले आणि स्थानिक न्यायालयात हजर केले. न्यायालयात या प्रकरणाची पुढील सुनावणी होणार असून, आरोपींना आपली बाजू मांडण्याची संधी मिळेल.
Nagpur | विश्व हिंदू परिषद आणि बजरंग दलाच्या कार्यकर्त्यांचे आत्मसमर्पण
या घटनेचे मूळ संभाजीनगर येथील औरंगजेबाच्या कबरीभोवती सुरू असलेल्या वादात आहे. विश्व हिंदू परिषद आणि बजरंग दलाच्या कार्यकर्त्यांनी या कबरीला ऐतिहासिक आणि धार्मिकदृष्ट्या आक्षेपार्ह ठरवत ती हटवण्याची मागणी केली होती. या मागणीसाठी त्यांनी आंदोलन आणि निदर्शने आयोजित केली होती, त्यानंतर नागपूर मध्ये काही ठिकाणी मोठी हिंसा झाली.
नागपूर पोलिसांनी या प्रकरणात कठोर भूमिका घेतली असून, कायदा व सुव्यवस्थेची परिस्थिती नियंत्रणात ठेवण्यासाठी सर्वतोपरी प्रयत्न करत आहेत. पोलीस अधिकाऱ्यांनी सांगितले की, “आम्ही कोणत्याही प्रकारच्या हिंसाचाराला परवानगी देणार नाही. जे कायदा हातात घेतील, त्यांच्यावर कडक कारवाई केली जाईल.”
दरम्यान, नागपूरमधील हिंसाचाराचा (Nagpur Violence) सूत्रधार फहीम शमीम (Fahim Khan) खान असल्याचा पोलिसांना संशय आहे. फहीम शमीम याला अटक केली असून तो 21 मार्चपर्यंत पोलीस कोठडी देण्यात आली आहे. फहीम खान हा मायनॉरिटी डेमोक्रॅटिक पार्टी (एमडीपी) चा शहर अध्यक्ष आहे. त्याने केंद्रीय मंत्री आणि ज्येष्ठ भाजप नेते नितीन गडकरी यांच्या विरोधात नागपूरमधून लोकसभा आणि विधानसभा निवडणूकही लढवली आहे.
हे ही वाचा :
पुण्यात बसला भीषण आग ; चार कर्मचाऱ्यांचा मृत्यू, पाच जण गंभीर जखमी
सुनीता विल्यम्स आणि सहकाऱ्यांची अंतराळातून यशस्वी पृथ्वीवर पुनरागमन
गेल इंडिया लिमिटेड अंतर्गत भरती, आजच अर्ज करा
विधान परिषदेच्या पोटनिवडणुकीसाठी भाजपकडून तीन उमेदवारांची यादी जाहीर