कष्टकरी जनता आघाडीतर्फे त्यागमुर्ती रमामाई भीमराव आंबेडकर यांना अभिवादन
पिंपरी चिंचवड : सामाजिक परिवर्तनाचा मोठा लढा डॉ. बाबासाहेब आंबेडकर यांनी निर्माण करून इतिहास रचला. उपेक्षित घटकांना मुख्य प्रवाहात आणले. बाबासाहेब समाजपरिवर्तनाचा लढा उभारत असताना दुसरीकडे कुटुंबाची अखंड जबाबदारी माता रमाई यांनी उचलली. बाबासाहेबांच्या माघारी कुटुंबाचा डोलारा योग्य पद्धतीने सांभाळला. या मधून माता रमाईं यांचे व्यक्तिमत्व कणखर आणि लढाऊ असल्याचे स्पष्ट होते, असे प्रतिपादन कष्टकरी जनता आघाडीचे राष्ट्रीय अध्यक्ष कष्टकऱ्यांचे नेते बाबा कांबळे यांनी केले.
माता रमामाई भीमराव आंबेडकर यांच्या स्मृतिदिनानिमित्त कष्टकरी जनता आघाडीतर्फे अभिवादन करण्यात आले. त्यावेळी ते बोलत होते.
जिल्हाधिकारी कार्यालय औरंगाबाद येथे रिक्त पदांसाठी भरती, आजच करा अर्ज !
या वेळी घरकाम महिला सभा अध्यक्षा आशा कांबळे,सामाजिक कार्यकर्ते अजय लोंढे, रिक्षा ब्रिगेड प्रमुख बाळासाहेब ढवळे, महाराष्ट्र रिक्षा पंचायत पुणे जिल्हा अध्यक्ष लक्ष्मण शेलार, खलील मकानदार, जुगनू शेख, मोहम्मद शेख, रेखा भालेराव, सुनिता सरकटे, सुनिता यशवंते आदीसह कार्यकर्ते पदाधिकारी या वेळी उपस्थित होते.
बाबा कांबळे म्हणाले की, माता रमाईंचा त्याग हा देश कधीच विसरणार नाही. त्यांनी बाबासाहेबांना योग्य साथ दिली. डॉ. बाबासाहेब आंबेडकरांनी देशातील मजूर, कष्टकरी, कामगार वर्गावरील होणाऱ्या अन्यायाला वाचा फोडली. संविधानामार्फत कष्टकऱ्यांच्या कामाचे तास कमी केले. यासह विविध शासकीय योजनांचा लाभ कामगारांसाठी उपलब्ध करून दिला. त्यामुळे कष्टकरी जनतेच्या मनात देखील बाबासाहेबांच्या विषयी आदराची भावना आहे. माता रमाई यांनी कुटुंबाची जबाबदारी घेतल्यानेच बाबासाहेबांनी कष्टकऱ्यांसाठी मोठे काम उभारले. त्यामुळे बाबासाहेबांबरोबर माता रमाई यांच्या बाबतीतही कष्टकऱ्यांमध्ये आदराचे आणि प्रेरणेचे स्थान असल्याचे बाबा कांबळे म्हणाले.
– क्रांतिकुमार कडुलकर
खडकी कॅन्टोनमेंट बोर्ड, पुणे येथे रिक्त पदांसाठी मोठी भरती, थेट मुलाखतीद्वारे निवड
राष्ट्रीय आरोग्य अभियान लातूर अंतर्गत विविध रिक्त पदांसाठी थेट मुलाखतीद्वारे भरती
भारतीय उष्णदेशीय मौसम विज्ञान संस्थान पुणे येथे विविध पदांसाठी भरती, असा करा अर्ज !
जळगाव जिल्हा परिषद अंतर्गत विविध पदांसाठी भरती, आजच करा अर्ज !