करिश्मा कपूरचा खुलासा ; वैवाहिक आयुष्याबाबत केलेले वक्तव्य चर्चेत

17 November 2024

Karishma Kapoor : बॉलिवूड अभिनेत्री करिश्मा कपूरने (Karishma Kapoor) वैवाहिक आयुष्याबाबत केलेल्या धक्कादायक खुलाशामुळे सिनेसृष्टीत खळबळ उडाली आहे. 90 च्या दशकात आपल्या अभिनय आणि सौंदर्याने प्रेक्षकांच्या मनावर राज्य करणाऱ्या करिश्माने नुकत्याच एका मुलाखतीत तिच्या वैवाहिक जीवनातील कटू अनुभव सामायिक केले आहेत.

करिश्माने बिझनेसमन संजय कपूरसोबत लग्न केले होते, मात्र वैवाहिक जीवनातील सततच्या वादांमुळे त्यांचे नाते टिकू शकले नाही, आणि 2003 साली त्यांचा घटस्फोट झाला. मुलाखतीदरम्यान करिश्माने तिच्या हनीमूनचा एक धक्कादायक प्रसंग सांगितला.

करिश्मा म्हणाली, “हनीमूनच्या रात्री संजयने मला त्याच्या एका मित्रासोबत झोपायला भाग पाडले. मी नकार दिला तेव्हा त्याने मला मारहाण केली. इतकेच नाही, तर त्याने माझ्यावर प्राईस टॅग लावून एका मित्रासमोर लिलाव केला.”

करिश्माने तिच्या गरोदरपणातील छळाचाही उल्लेख केला. ती म्हणाली, “माझ्या सासूबाईंनी गर्भावस्थेत माझ्यासाठी एक ड्रेस आणला होता, पण तो मला बसत नव्हता. तेव्हा संजयने माझ्या सासूबाईंना मला मारायला सांगितले.”

करिश्माने सांगितले की, लग्नानंतरही संजय कपूरचे त्याच्या माजी पत्नीसोबत संबंध होते, ज्यामुळे त्यांच्यातील वाद अधिक वाढले.

करिश्मा कपूरच्या या वक्तव्यानंतर बॉलिवूडमधील अनेकांनी तिच्या धाडसाचे कौतुक केले असून, तिच्या या खुलाशामुळे कुटुंबातील महिलांच्या छळाविरोधात उभे राहण्याचा संदेश दिला जात आहे. करिश्मा कपूरच्या धक्कादायक वैवाहिक आयुष्यातील कटू अनुभवांमुळे बाॅलिवूड हादरलं.