Junnar : रात्रीच्या सुमारास ३ वर्षांची मुलगी बेपत्ता, पोलिसांकडून शोध सुरू

18 June 2024

Junnar, (रफिक शेख) : विघ्नहर साखर कारखाना ढालेवाडी तर्फे हवेली येथील एका वीटभट्टीवरून ३ वर्षांची मुलगी रात्रीच्या सुमारास बेपत्ता झाल्याची घटना घडली आहे. या घटनेने परिसरात खळबळ उडाली असून, पोलिसांनी मुलीचा शोध सुरू केला आहे. (Junnar)

सविस्तर माहिती अशी की, गणेश काळू भिलाला हे त्यांचे आई वडील, पत्नी व मुलगी रोशनी वय ३ वर्षे, चांदणी वय ८ महिने व मुलगा राम वय ५ वर्षे असे एकत्रित राहण्यास असून ते २०२१ पासून वीट भट्टीवर काम करून उपजीविका करत होते.

सोमवारी (दि.१७) रात्री सर्वजण ९ वाजताच्या सुमारास जेवण झाल्यानंतर सर्वजण झोपी गेले त्यानंतर रोशनी ही झोपेतून उठली व पाणी पिण्यासाठी मागू लागले म्हणून गणेश भिलाला यांच्या पत्नीने तिला पाणी पाजले व पाणी पिल्यानंतर तिला झोपी लावले. त्यानंतर थोड्या वेळाने गणेश भिलाला यांना बाथरूमला लागल्याने ते झोपेतून उठले व झोपले ठिकाणी पाहिले असता मुलगी रोशणी ही दिसली नाही. त्यानंतर घराच्या आजूबाजूला शोधाशोध करण्यात आली मात्र तिचा कुठेही शोध लागला नाही.

या प्रकरणी गणेश काळू भिलाला यांनी फिर्याद दिली असून भारतीय दंड संहिता (IPC) कलम ३६३ नुसार अज्ञात व्यक्ती विरोधात गुन्हा दाखल करण्यात आला आहे. अशी माहिती पोलीस निरीक्षक किरण अवचर यांनी दिली. या घटनेचा तपास अंमलदार पवार हे करत आहे.

वर्णन
नाव – रोशनी गणेश भिलाला, वय – 3 वर्षे. रंग सावळा, उंची 3 फूट, नाक सरळ, केस लांब, गळ्यात कातडी ताईत, काळा धागा तसेच पिवळे धातूची काचेची माळ, नेसणेस हिरवट रंगाचा हाप बाहीचा फ्रॉक, लाल रंगाची फुल पॅन्ट वरील वर्णनाचे मुली आढळल्यास पोलिसांशी संपर्क साधण्याचे आवाहन पोलिसांनी केले आहे.