MahaKumbh : प्रयागराज येथे महाकुंभमेळ्याला भव्य आणि दिव्य सुरुवात झाली आहे. हजारो वर्षांची परंपरा असलेल्या या धार्मिक सोहळ्याने आज पहिल्याच दिवशी देश-विदेशातून लाखो भाविकांना आकर्षित केले आहे. हिंदू धर्मीयांसाठी महाकुंभमेळा ही केवळ एक धार्मिक परंपरा नसून श्रद्धा, भक्ती, आणि आत्मशुद्धीचा उत्सव आहे.
गुगलचा खास सर्च इफेक्ट (MahaKumbh)
यंदाच्या महाकुंभमेळ्याला जागतिक स्तरावर अनोख्या पद्धतीने उजाळा मिळाला आहे. गूगल या जगप्रसिद्ध सर्च इंजिनने ‘MahaKumbh’ किंवा ‘महाकुंभ’ असे टाईप केल्यावर गुलाबाच्या पाकळ्या पडतानाचे खास अ‍ॅनिमेशन सादर केले आहे. यामुळे डिजिटल युगातही महाकुंभमेळा भाविकांच्या हृदयात आणि ऑनलाईन विश्वात एक वेगळा ठसा उमटवत आहे.
पहिल्या दिवशी गंगा, यमुना आणि सरस्वती यांच्या त्रिवेणी संगमावर स्नानासाठी लाखो भाविकांची गर्दी झाली आहे. धार्मिक विधींसोबतच विविध साधू-संतांच्या उपस्थितीने कुंभमेळ्याचे वातावरण भक्तिमय झाले आहे. देशातील विविध कोपऱ्यांमधून आलेल्या भाविकांसह परदेशी पर्यटकही या आध्यात्मिक सोहळ्यात सहभागी झाले आहेत.
महाकुंभमेळ्याचे वैशिष्ट्य
महाकुंभमेळा प्रत्येक १२ वर्षांनी आयोजित केला जातो आणि यामध्ये चार प्रमुख ठिकाणी – हरिद्वार, प्रयागराज, उज्जैन, आणि नाशिक येथे तो साजरा होतो. प्रयागराज येथे आयोजित होणाऱ्या कुंभमेळ्याला विशेष महत्त्व असून, याला ‘अर्धकुंभ’ आणि ‘महाकुंभ’ असे स्वरूप असते.
हे ही वाचा :
पुण्यात विद्यार्थ्यांची फ्रीस्टाईल हाणामारी, कपडे फाटेपर्यंत बेदम मारहाण
‘लाडकी बहीण’ योजनेवरून सुप्रीम कोर्टाने सरकारला फटकारले, मोफत पैसे…
सुंदर स्टेटस ठेवला अन् काही वेळातच भीषण अपघात, सहा जणांचा मृत्यू
‘सारथी’मार्फत तरुणांना वाहनचालक प्रशिक्षण, 10 हजार विद्यावेतन मिळणार
ज्येष्ठ गायक अभिनेते अरविंद पिळगावकर यांचे निधन
एसटी प्रवाशांसाठी खूशखबर : लालपरीचे लाईव्ह लोकेशन आता मोबाईलवर मिळणार