जुन्नर : जुन्नर तालुक्यात पीएमपीएमएल बससेवेचा शुभारंभ होणार आहे, शुक्रवार दि. ११ फेब्रुवारी २०२२ रोजी भोसरी ते किल्ले शिवनेरी या पहिल्या बसचे आगमन होणार आहे.
वाचा ! आपल्याला का वाजते थंडी?
जुन्नर तालुक्यातील किल्ले शिवनेरीवर देशभरातून येणाऱ्या पर्यटकांसाठी आता पीएमपीएमएल बससेवा सुरू होणार आहे. किल्ले शिवनेरी म्हणजेच छत्रपती शिवाजी महाराज यांचे जन्मस्थान असलेल्या जुन्नर तालुक्यातील या पर्यटनस्थळी जाण्यासाठी आता पिंपरी चिंचवड मधील भोसरी डेपो ते किल्ले शिवनेरी जुन्नर अशी बससेवा सुरू होणार आहे.
बारावी पास विद्यार्थ्यांसाठी सुवर्ण संधी ! केंद्रीय औद्योगिक सुरक्षा दलात ११४९ जागांसाठी भरती
या बससेवेच्या मागणीसाठी आमदार अतुल बेनके यांनी २५ ऑक्टोबर २०२१ रोजी पीएमपीएमएलचे व्यवस्थापकीय संचालक लक्ष्मी नारायण मिश्रा यांना पत्र लिहून भोसरी ते किल्ले शिवनेरी जुन्नर अशी बससेवा सुरू करण्यात यावी अशी मागणी केली होती. तसेच जिल्हा परिषद सदस्या आशाताई बुचके यांनीही देखील पुणे व पिंपरी चिंचवड महानगरपालिकेच्या महापौरांना भेटून बससेवा सुरू करण्याची मागणी केली होती.
पुणे, पिंपरी चिंचवड शहरासह राज्यातून आणि देशभरातून मोठ्या प्रमाणावर पर्यटक हे शिवजन्मभूमी किल्ले शिवनेरी, जुन्नर, नारायणगाव, ओझर, लेण्याद्री येथे येत असतात. नारायणगाव, जुन्नर परिसरातील नागरिक व कामगार विद्यार्थी हे देखील पुणे पिंपरी चिंचवडला जाण्यासाठी खाजगी वाहनाने प्रवास करत आहेत. तालुक्यात पर्यटनाच्या निमित्ताने येणाऱ्या पर्यटक नागरिकांची व भाविकांची गैरसोय लक्षात घेता भोसरी ते जुन्नर मार्गावर पीएमपीएमएलची बससेवा सुरु करण्यात यावी अशी मागणी आ. बेनके यांनी पीएमपीएमएल कडे केली होती.
जुन्नरच्या पश्चिम आदिवासी भागात प्रथमच सेंद्रिय पध्दतीने कांदा लागवड, शेतकऱ्याचा दिशादर्शक प्रयोग
त्यानंतर पीएमपीएमएल प्रशासनाने भोसरी ते किल्ले शिवनेरी जुन्नर या मार्गाचा सर्व्हे केला. या संदर्भात जिल्हाधिकारी डॉ.राजेश देशमुख यांचीही भेट आ. बेनके घेतली होती. तसेच पीएमपीएमएलच्या वरिष्ठ अधिकाऱ्यांशी देखील चर्चा केली या मागणीची दखल घेत प्रशासनाने सकारात्मक प्रतिसाद दिला.
येत्या शुक्रवारी दि.११ फेब्रुवारी २०२२ रोजी शिवजयंतीच्या पार्श्वभूमीवर भोसरी ते किल्ले शिवनेरी जुन्नर या बससेवेचा शुभारंभ करण्यात येणार आहे. शिवजन्मभूमी जुन्नर तालुक्यातील समस्त जुन्नरकरांना हि शिवजयंती निमित्ताने भेट मिळाली आहे, असेही बेनके यांनी म्हटले आहे.
बँक ऑफ महाराष्ट्र मध्ये विविध अधिकारी पदांच्या ५०० जागांसाठी भरती
मुली रात्री एकांतात मोबाइलवर काय सर्च करतात ? या चार गोष्टी आहेत