घोडेगाव (आंबेगाव) : डॉ.बाबासाहेब आंबेडकर यांच्या महापरिनिर्वाण दिनानिमित्त आदिम संस्कृती अभ्यास, संशोधन व मानव विकास केंद्र पुणे, अखिल भारतीय किसान सभा व स्टुडंट्स फेडरेशन ऑफ इंडिया (SFI) आंबेगाव यांच्या वतीने त्यांच्या प्रतिमेला अभिवादन करण्यात आले.
याप्रसंगी एकात्मिक आदिवासी प्रकल्प कार्यालयाचे सहाय्यक प्रकल्प अधिकारी (शिक्षण) नवनाथ भवारी, आदिवासी प्रकल्प कार्यालयाचे निरीक्षक योगेश खंदारे यांच्या हस्ते डॉ.बाबासाहेब आंबेडकर यांच्या प्रतिमेला पुष्पहार अर्पण करण्यात आला.
यावेळी शोषित, वंचित समूहांच्या मूलभूत हक्कांसाठी, संविधानिक मार्गाने सातत्याने कार्यरत राहू असा निर्धार उपस्थित मान्यवरांनी केला.
तसेच शोषित वंचित समूहांच्या संविधानिक हक्कांचा लढा, संविधानिक मार्गाने सातत्यपूर्ण राहील, असा विश्वास यावेळी किसान सभेचे राजू घोडे यांनी व्यक्त केला. यावेळी नवनाथ भवारी यांनी खावटी योजने विषयी माहिती दिली.
यावेळी आदिम संस्थेचे डॉ.अमोल वाघमारे, किसान सभेचे कॉ. राजू घोडे, अशोक पेकारी, लक्ष्मण जोशी, सुभाष भोकटे, अशोक जोशी, एसएफआयचे अविनाश गवारी, समीर गारे, अक्षय काळोखे, राहुल झगडे उपस्थित होते.