German Opportunity : भारतीयांसाठी सुवर्णसंधी

German Opportunity – नवीन वर्क व्हिसासाठी नोकरीच्या ऑफरची गरज नाही, भारतीय तंत्रज्ञान German Opportunity आणि आरोग्य क्षेत्रातील प्रतिभेकडे लक्ष जर्मनीने जागतिक कौशल्याधारित प्रतिभेसाठी आपले दरवाजे अधिक खुले केले आहेत. Skilled Immigration Act अंतर्गत अटी आणि अडथळे जर्मन सरकारने कमी केले आहेत. (German Opportunity)

भारतासारख्या देशांतील व्यावसायिकांना आता नोकरीच्या ऑफरची वाट न पाहता करिअरची संधी मिळू शकते. नव्याने सुरु झालेली German Opportunity Card ही पात्र व्यावसायिकांना देशात प्रवेश देऊन नोकरी शोधण्याची आणि करिअर घडविण्याची संधी देते.

German Opportunity Card म्हणजे काय?

ही एक निवास परवाना (Residence Permit) आहे, जी पात्र विदेशी व्यावसायिकांना एक वर्षासाठी जर्मनीमध्ये राहण्याची आणि नोकरी शोधण्याची संधी देते. ज्यांच्याकडे अजून नोकरीचा करार (Job Contract) नाही, अशा व्यावसायिकांसाठी हा मार्ग विशेष आकर्षक आहे. (German Opportunity)

पात्रता:

विद्यापीठाची पदवी किंवा किमान दोन वर्षांचे व्यावसायिक प्रशिक्षण (Vocational Training) आवश्यक.

भाषा कौशल्य: जर्मन (A1 पातळी) किंवा इंग्रजी (B2 पातळी) आवश्यक.

दर आठवड्याला २० तासांपर्यंत अर्धवेळ काम करण्याची परवानगी मिळते.

संभाव्य नियोक्त्यांकडे दोन आठवड्यांचे प्रायोगिक काम (Trial Job) करण्याची मुभा.

पॉईंट-आधारित प्रणाली:
किमान ६ गुण (Points) मिळवावे लागतात.

उदाहरणार्थ:

आंतरराष्ट्रीय स्तरावर मान्यताप्राप्त व्यावसायिक पात्रता — ४ गुण

अलीकडील पाच वर्षांचा कार्यानुभव किंवा B2 स्तरावरील जर्मन भाषा कौशल्य — प्रत्येकी ३ गुण

अधिक गुण मिळवता येतात:

३५ वर्षांखालील वय

पूर्वी जर्मनीमध्ये राहिल्याचा अनुभव

C1 स्तरावरील इंग्रजी भाषा कौशल्य

अर्जदाराने स्वतःच्या खर्चाचा पुरेसा पुरावा (आर्थिक सक्षम असल्याचा पुरावा) द्यावा लागतो — म्हणजे वर्षभर स्वतःचा खर्च स्वतः करावा लागेल.

पुढील प्रक्रिया:

एका वर्षाच्या आत नोकरी मिळाल्यास, EU Blue Card किंवा इतर दीर्घकालीन वर्क परमिटसाठी स्थानिक इमिग्रेशन कार्यालयात अर्ज करता येतो.

जर्मनीतील विद्यापीठ किंवा व्यावसायिक प्रशिक्षण कार्यक्रमातून पदवीधर झालेल्या विदेशी विद्यार्थ्यांना अतिरिक्त पात्रता न बघता Opportunity Card दिली जाते. (German Opportunity)

जर्मन चेंबर्स ऑफ कॉमर्स Abroad कडून मान्यताप्राप्त पात्रता असलेल्या उमेदवारांनाही संधी आहे.

भारतीय व्यावसायिकांसाठी संधी

जर्मनी IT, आरोग्यसेवा आणि अभियांत्रिकी क्षेत्रातील कौशल्ययुक्त भारतीय व्यावसायिकांना सक्रियपणे आकर्षित करत आहे.

२०१५ मध्ये २३,००० भारतीय कामगार होते, तर २०२४ मध्ये हा आकडा १,३७,००० पर्यंत पोहोचला — म्हणजे दशकभरात जवळपास ६ पट वाढ झाली आहे.