ताज्या बातम्या राजकारण राज्य लोकसभा २०२४

Ajit pawar : लोकसभेत काय होईल ब्रम्हदेवही सांगू शकत नाही अजित पवार यांचे मोठे विधान

28 May 2024

Ajit pawar : महाराष्ट्रात महाविकास आघाडी विरुद्ध महायुती असा सामना लोकसभेत बघायला मिळाला. शिवसेना आणि राष्ट्रवादी काँग्रेसमध्ये फूट पडली. शिंदे आणि अजित पवार गट भाजपासोबत आहे. त्याचवेळी उद्धव ठाकरे, शरद पवार महाविकास आघाडीत आहेत. महाराष्ट्रात यावेळी काय होणार? याचा अंदाज बांधण कठीण आहे. असे असताना आता उपमुख्यमंत्री अजित पवार यांनी मोठे विधान केले आहे.

महाराष्ट्रात 2019 विधानसभा निवडणुकीनंतर उद्धव ठाकरे महाविकास आघाडीत सामील झाल्यानंतर राज्यातील सर्व राजकीय समिकरणे बदलले. तसेच नंतरच्या काळातही शिवसेना आणि राष्ट्रवादी काँग्रेसमध्ये फूट पडली. या फुटीनंतर आता लोकसभा निवडणूकीसाठी नुकतेच मतदान झाले आहे.

Ajit pawar काय म्हणाले ?

राष्ट्रवादी काँग्रेसचे प्रमुख आणि उपमुख्यमंत्री अजित पवार यांनी पक्षाच्या मेळाव्यात बोलताना ‘या निवडणुकीत काय होईल हे ब्रह्मदेवही सांगू शकणार नाही’. असं मोठं विधान त्यांनी केले आहे. त्यामुळे अनेकांच्या भुवया उंचावल्या आहेत.

अजित पवार म्हणाले की, ठाकरें पासून लांब असणारा अल्पसंख्यांक समाज यंदा ठाकरे गटासोबत गेला त्यामुळे या निवडणुकीत काय होईल हे ब्रह्मदेवही सांगू शकणार नाही’ अजित पवार यांच्या या वक्तव्यामुळे राजकीय वर्तुळात जोरदार चर्चा रंगली आहे.