Maharashtra CM : महाराष्ट्राच्या नव्या मुख्यमंत्र्यांचा आज शपथविधी सोहळा

5 December 2024

0

Maharashtra CM : महाराष्ट्रातील राजकीय पेच संपल्यानंतर राज्याचे नवे मुख्यमंत्री देवेंद्र फडणवीस यांचा शपथविधी सोहळा आज (गुरुवार, ५ डिसेंबर २०२४) मुंबईतील आझाद मैदानावर पार पडणार आहे. या सोहळ्यात पंतप्रधान नरेंद्र मोदी, केंद्रीय गृहमंत्री अमित शहा, भाजप अध्यक्ष जे. पी. नड्डा यांच्यासह देशभरातील प्रमुख नेते आणि मुख्यमंत्र्यांची उपस्थिती राहणार आहे.

---Advertisement---

देवेंद्र फडणवीस यांच्यासोबत अजित पवार हे उपमुख्यमंत्रिपदाची शपथ घेतील. याशिवाय एकनाथ शिंदे यांना देखील मंत्रिमंडळात सामील होण्यासाठी विनंती करण्यात आली आहे.(Maharashtra CM)

राजशिष्टाचार विभागाकडून उद्धव ठाकरे, शरद पवार, प्रकाश आंबेडकर यांनाही निमंत्रण देण्यात आले आहे. या कार्यक्रमाने महाराष्ट्राच्या सत्तास्थापनेवर पडदा पडणार असून राज्यातील जनतेचे लक्ष आजच्या शपथविधीकडे आहे.

---Advertisement---

शपथविधी सोहळ्याचा वेळ आणि ठिकाण (Maharashtra CM)

शपथविधी सोहळा संध्याकाळी ५ वाजता सुरू होईल, तर देवेंद्र फडणवीस हे ५:३० वाजता मुख्यमंत्रिपदाची शपथ घेतील. या कार्यक्रमासाठी आझाद मैदानावर ३०,००० पेक्षा जास्त लोकांची व्यवस्था करण्यात आली असून, ४०,००० भाजप कार्यकर्त्यांची उपस्थिती अपेक्षित आहे. सुरक्षेसाठी ४,००० पोलिस तैनात करण्यात आले आहेत.

दरम्यान, आझाद मैदानात भव्य मंडप उभारण्यात आला आहे. कार्यक्रमाची सुसूत्रता आणि सुरक्षेची जबाबदारी दक्षतेने पार पाडली जात आहे. राज्यातील विविध भागांतून कार्यकर्ते आणि नागरिक मोठ्या संख्येने हजेरी लावणार असल्याचे चित्र आहे.