धक्कादायक : एकाच तरूणाने केले ८ वेळा मतदान, सोशल मीडियावर व्हिडिओ व्हायरल

20 May 2024

EVM Viral Video : देशभरात आज लोकसभा निवडणुकांचा (Lok Sabha Election 2024) पाचवा टप्पा पार पडत आहे. देशभरातील 49 जागांवर मतदान प्रक्रिया पार पडत असताना एकाच वोटरने भाजपला ८ वेळा मतदान केल्याचा धक्कादायक व्हिडिओ समोर आला आहे. हा व्हिडिओ आता सोशल मीडियावर जोरदार व्हायरल होत असून कठोर कारवाईची मागणी केली जात आहे.

उत्तर प्रदेशातील एटामध्ये एका व्यक्तीनं एक नाही, दोन नाही तर तब्बल आठ वेळा मतदान केले आहे. त्याने मतदान करतानाचा व्हिडिओ देखील काढला आहे. या व्हिडिओ मध्ये सदर तरूण तब्बल आठ वेळा भाजपला मतदान करताना दिसत आहे. हा व्हिडिओ सोशल मीडियावर व्हायरल होत असून संताप व्यक्त केला जात आहे. यावरून राजकीय पक्षांनी निवडणूक आयोगाला घेरले आहे. व्हिडीओ व्हायरल झाल्यानंतर याप्रकरणी एफआयआर दाखल करण्यात आला आहे. तसेच मतदान करणाऱ्या व्यक्तीला अटक करण्यात आली आहे.

चुनाव आयोग जी,

देख रहे हैं.. एक लड़का 8-8 बार वोट कर रहा है.

अब तो जागिए. pic.twitter.com/2UQqE1XfLv
— Congress (@INCIndia) May 19, 2024

उत्तर प्रदेशचे मुख्य निवडणूक अधिकारी नवदीप रिनवा यांनी सांगितलं की, “घटनेचा एफआयआर एटा जिल्ह्यातील नयागाव पोलीस ठाण्यात आयपीसीच्या कलम 171-एफ आणि 419, आरपी कायदा 951 च्या कलम 128, 132 आणि 136 अंतर्गत नोंदवण्यात आला आहे. व्हिडीओमध्ये अनेक वेळा मतदान करताना दिसणारा व्यक्ती राजन सिंह, अनिल सिंह यांचा मुलगा असून, खिरिया पमरण गावातील रहिवासी असून त्याला पोलिसांनी अटक केली आहे.”

EVM Video Viral

दरम्यान, व्हिडिओ समोर आल्यानंतर या तरूणाला अटक करण्यात आली आहे. या मतदान केंद्रावर पुन्हा मतदान घेण्याची शिफारस निवडणूक आयोगानं केली आहे. यासोबतच या व्यक्तीनं ज्या पोलिंग बुथवर मतदानाचा हक्क बजावला होता, त्या सर्व सदस्यांना निलंबित करण्यात आलं आहे.