मोठी बातमी : विद्यार्थ्यांसाठी आनंदाची बातमी! आता ST पास मिळणार शाळेतच!

18 June 2024

0

MSRTC : ग्रामीण भागातून शाळा, महाविद्यालयात जाणाऱ्या विद्यार्थ्यांसाठी एक महत्वाची बातमी आहे. आता विद्यार्थ्यांना ST बसेससाठीचे पास मिळवण्यासाठी रांगेत उभे राहण्याची गरज नाही. महाराष्ट्र राज्य परिवहन महामंडळाने (MSRTC) एका क्रांतिकारी निर्णयात विद्यार्थ्यांना त्यांच्या शाळेतच ST पास वितरित करण्याचा निर्णय घेतला आहे. या योजनेचा लाभ राज्यातील लाखो विद्यार्थ्यांना मिळणार आहे.

---Advertisement---

विद्यार्थ्यांना शाळेत किंवा महाविद्यालयात जाण्यासाठी एसटी बसचा वापर करावा लागतो. त्यासाठी विद्यार्थी महिन्याच्या सुरवातीला पास काढतात. पण पास काढण्यासाठी विद्यार्थ्यांना तासनतास मोठ्या रांगेत उभे रहावे लागते. यावर आता एस.टी महामंडळाने मोठा निर्णय घेतला आहे. विद्यार्थ्यांना एस. टी. चे पास हे त्यांच्या शाळेमध्ये वितरित केले जाणार आहेत. एस. टी. महामंडळाचे उपाध्यक्ष आणि व्यवस्थापकीय संचालक डॉ. माधव कुसेकर यांनी स्थानिक एस. टी. प्रशासनाला याबाबतच्या सूचना दिल्या आहेत.

महाराष्ट्र राज्य परिवहन मंडळाच्या या योजनेअंतर्गत ST चे पास विद्यार्थ्यांना त्यांच्या शाळेतच वितरित केले जातील. शाळांनी विद्यार्थ्यांची माहिती संकलित करून परिवहन मंडळाकडे सादर करावी, अशी सूचना देण्यात आली आहे. त्यानुसार, विद्यार्थ्यांना त्यांचे पास शाळेतच मिळतील. 18 जून पासून एस. टी. चे पास थेट शाळेतून विद्यार्थ्यांना देण्यात येणार आहेत.

---Advertisement---

MSRTC च्या निर्णयाचा विद्यार्थ्यांना होणार फायदा

या निर्णयामुळे विद्यार्थ्यांना ST चा पास काढण्यासाठी परिवहन मंडळाच्या कार्यालयात जाण्याची आणि लांबच लांब रांगेत उभे राहण्याची गरज नाहीशी होणार आहे. परिणामी, विद्यार्थ्यांचा वेळ आणि श्रम वाचणार आहेत. तसेच, पालकांवरचा ताणही कमी होणार आहे.